Speed Limit in Aizawl - 35 KM per HourTraffic police-te speed radar gun nen duty

Traffic police-te chuan May 27, Pathianni zan aṭang khan zana lirthei tlan chak lutuk ṭhin tihreh a nih theihna atan speed radar gun hmangin lirthei tlân chakte an châng.

Traffic police hotute hnen aṭanga thu dawn danin, Pathianni zan khan Chanmari-Chaltlang leh Bawngkawn-Leitan inkarah speed radar gun nen an duty a, man an nei lo. Ṭhalai an duty-na hmun paltlangte chu chak tak taka lirthei khalh chu anmahni leh mi dang tana a him lohzia hrilhin, sim tawh turin an chah.

Tun dinhmunah Tra­ffic police-te hian speed radar gun pasarih an nei a, lirthei chak tak taka tlân vanga chetsualna thleng ṭhin tihrêm a nih theihna atan speed radar gun nen hian zanah duty ṭhin an tum a ni.

Traffic police hotute sawi danin, Aizawl khaw­puiah km. 35 aia chaka tlan phal a ni lo a, dan phal aia chaka tlan man an awm chuan Rs. 1,000 thleng chawitir theih a ni. -Vanglaini

Post a comment

Powered by Blogger.