May 18 – 20, 2018 chhung khan Synod Home Mission South huam chhunga Bru khua Kawrthindeng, Bungtlang South Pastor Bial chhungah Bru Convention neih a ni.
Convention-ah hian Chhimtawp Presbytery huam chhung hmun hrang hrang atangin mi 205 an lo kal thei a, heng bakah hian eirawngbawl turin Aizawl Republic Kohhran Pavalai Pawl Member 19 an kal bawk a, Chhim Working Committee member-te, Administrative Secretary Rev. R.C. Lalnghakliana hovin 6, Synod Office Lunglei staff mi 7 bakah hmun hrang hranga thawktute engemaw zatin he convention hi an telpui a ni.
He Bru Convention-ah hian Speaker atan Pu Lalrema, Bru Gospel Team, West Phaileng chu hman a ni a, thusawi a thain mite thinlung a hneh viau a ni. Convention thlengtu Bungtlang South Pastor Bialte an bialtu Rev. P.C. Vanlalfinga hovin an thahnemngaihna a fakawm hle a, thlipui leh ruahpui karah pawh harsatna lian tham tawk miah lovin Convention hmangtute an vengin an vil reng thei a ni.
Convention denchhena Masihi Sangati Gospel Team, Lungleite rawngbawlna zarah hnamdang ring lo mi 7 laiin baptisma an chang a, engmaw zat la chantir leh tur an la awm nghe nghe a ni.
Post a Comment