Sports hi tunlai khawvela indona ber anih avangin sports hmang hian kan chhehvel hnam te leh India ram hi awp turin kan bei dawn a. Hnam hrisel kan nih theih nana hmalakna atan sports hi kan ngai pawimawh dawn a. Sportsperson (coach etc. tel) te khawtlanga zahkai, entawntlak leh naupang ngaihsan rawn tling tura buatsaih kan tum a. Sports-ah professionalism introduce a, sports hmanga eizawnna tam tak siam mai bakah hausak theihna siam kan tum a ni.
Chumi tihlawhtling tur chuan Sports Policy neiin kan kal dawn a. Sports Policy ken tel tura kan ruahman langsar zual te chu heng te hi a ni:
1. Sports discipline zingah Olympic Games-a tel te kan ngai pawimawh ber dawn a. Mizoram State Sports Council in a pawm tawh te kan pawm tlang vek dawn a. Amaherawh chu kan thlen san theihna awm chi weight category awm infiamna leh mipui nawlpui practice theih chi te kan dah pawimawh bik ang.
2. Adventure Sports leh Traditional Games te kan ngai pawimawh ang.
3. Sports Performance Data Bank kan siam ang a. Performance base in development fund kan sem ang.
4. Incentive Cash Award kan tipung ang a. Olympic, Commonwealth Games leh Asian Games-a tel te tan phei chuan hausakpui tham cash award kan siam ang.
5. Infrastructure awmsa kan thuamtha ang a, a thar pawh kan ngaihtuah nasa ang.
6. School examination-a sports hmanga pass theih dan kan siam ang a. Sports talent nei tha naupang te a bika enkawlna kan siam ang.
7. Sports talent hunt kan uar ang.
8. Hmeichhia te tan sports-ah thlen san a awlsam avangin hmeichhia te tan tan kan la nasa zual ang a. Sports and Youth Services Departmentah anmahni enkawltu tur bik Wing hran kan din ang.
9. Vohbik (rualbanlo) te pual infiamna in ngaihpawimawh a hlawh zual chak a vang leh, sports hi anmahni tihhmasawnna kawng tha anih avangin helamah hian theihtawp kan chhuah ang a. Sports and Youth Services Department-ah anmahni enkawltu tur bik Wing hran kan din ang.
10. Sports Academy kan ngah theihnan hma kan la ang a. Center of Excellence kan din ang.
11. School Education Department leh Sports Department te awmze nei zawkin kan thawhho tir ang a. Physical Education Teacher te Sports Department-ah kan suan lut ang.
12. Game thlan bik tea hma kan sawn chak theihnan sorkar Department leh Public Sector Undertaking te mawhphurh leh enkawl tur bik game kan sem ang a. Sports discipline tinah State Ranking siamin Top 3 zel te chu anmahni enkawltu department leh PSU in thla kipin hlawh an pe ang.
13. Sports person tan Insurance policy kan siam ang.
14. Special Coach Development programme kan kalpui ang.
15. Sports pual State Award kan buatsaih ang.
16. Sports Competition a tam theihnan hma kan la ang a. Chief Minister Trophy Game thlan bikte tan kumtina buatsaih a ni ang a. League pawh buatsaih a ni ang.
17. International te, national leh regional sports event lian tham a tam thei ang ber thlen kan tum ang.
18. Sports Competition leh henga tel infiammi te sponsor tu sumdawng tana chhiah awl theih dan kan siam ang.
19. Infiammi tana sorkar hnaa luh theihna leh eizawnna din tura loan leh tanpuina lak theihna kawng awlsam kan siam ang.
20. Policy bawhzui thatnan Chief Minister kaihhruai Steering Committee on Policy Evaluation kan din ang.
PRISM MLA Election Manifesto 2F. Sports Policy nen sports hi eizawnna siam zawngin kan kalpui ang. Sports-a sum a tam theih nan sports association, club, sportsperson leh event sponsor tu in chhiah an awl theih dan tur Taxation Policy-ah kan dah ang. Weight category awm infiamna te uarin contact sports pual bik arena changtlung tak kan siam ang. Sports association hruaitu-a active politician an tel theih lohna tur Dan kan siam ang.)
Post a Comment