INNEIH NIA MO INCHEINA CHUNCHANGA INZIRTIRNA

MIZORAM PRESBYTERIAN KOHHRAN HMEICHHIA, CENTRAL COMMITTE-IN KOHHRAN TINA INNEIH NIA MO INCHEINA CHUNCHANGA INZIRTIRNA A TIHCHHUAH

Representational Images

MO KAWR FUAL HAK LOH INZIRTIR A TUL

1. Hausa leh retheiin kan ban phak vek hi a pawimawh a, chu chu kan Kohhran hian a ngaipawimawh a ni. Inneihna hi mi zawng zawng tan a ni a.A rual khai thei tur ang zawng ngaihtuah hi kristiante tiha mawi a ni.

2. Nupa chungchang dan chuan - “ Inneihnaa incheina thuah hian,incheina pangngai, hleihluak kai lo, Kohhranho hmuha mnawi tawk hma ni se a tha, chhunghkaw tana phurrit tling khawpo incheina atan hman loh hram tur a ni”, a ti a.(Nupa Dan.P-15).

3. Inneih inkhawm hi Kohhranten Pathian kan biakhona (worship) a nih avangin kan inchei dan leh awm dan pawh kawr pan lutuk lo, nghawng zau lutuk lo leh zahawm pangngai tak hi a inhmeh hle a ni.

4. Inneih nia Mo incheina avanga nghet leh nghet lo a ni lo tih kan hriat reng a pawimawh.

5. Mo incheina, a bik takin kawr fual hautak tak avanga mi tih ang ti thei loten Biak In hawnga inneih tlin ve lo va inhriatna an neih phah thei tih hriat a tha.

6. Inneih nia mahni sum leh pai mil lo nkhawpa mi tam tak tih dan entawna Mo kawr fual hawh leh tuitir hi tih loh theih a tha hle.

7. Pathian Biak Inkhawma kan hak thin anga zahawm leh mawihnai tawka Mo inchei mai hi a inhmehin a tawk hle a ni.

8. Inneite bakah, innei hriatpui tura kalte pawh zahawm tak leh mawi tawka inchei hi inneih inkhawm nen a inhmeh em em a ni.

MO KAWR FUAL HAK A HAUTAK

1. Ni khat, darkar tlem te chhung chauh atana pawisa tam tak Mo kawr fual atana kan khawhral hi ngaihtuah chian a tha hle.

2. Mo kawr fual hawh man, thui man te a san hle laiin, Mizoten puan ropui, puanchei mawi tak tak kan neihte hi a mawi viau a ni tih kan hriat thar a tha hle.

3. Kan ngaihtuah chian loh avangin, inneih ni, hlimna ni tur hi Moten kawr fual hak ve kher tura kan ngaihg avangin phurrit kan insiam ni a lo reng thei.

4. In bel zui loh tur atan sum tam tak sen ralhi pumpelh theih a tha hle.

5. Kan hmun hma te hi ram changkang te angin Mo kawr fual hak dulh dulh nan a inhmeh lem lo.

6. Mo kawr fual puk tak, fual tak mai nena Biak In leh step velhan hrut hi thil inhmeh tak a ni lem lo va, a ha thenkhat pawh inneih inkhawm pawimawh takah hian mi tikham khawpa kawr buaipui lai hmuh tur a awm fo mai.

MO KAWR FUAL AIIN HNAMZIA (CULTURE) MILA INCHEI I UAR ANG U

1. Mizote hi hnam pakhat kan ni a, heng kan inneih ni te hi kan hnam incheina pho lanna hun remchang tha tak a ni.

2. India ram state hrang hrang leh khawvel hmun hrang hranga chengte hi hnam ziarang hloh thaka inchei hi an vang viauin a rinawm. Inneih niah pawh an hnam inchei chawi lar hi hnam tam tak kalphung a ni zawk.

3. Mizo hmeichhiate inchjeina puanchei leh a dang mawi tak tak kan neihte hman tangkaina tha tak a ni.

4.Heng puante hi a zahpuiawm lohvin hnam dang hmuhah pawh a chhuanawm hle. Hmanlai atanga inneih ni atana thil inhmeh ni thinb hi inhmehtir zel a tul hle.

5. Puanchei phei hi chu a ropuiin a mawi a, Mizo hnam pho langtu langsar tak a ni reng. Kawr chhing nen a inhmehin a zahawm tawk hle a ni.

6. Pi leh pute hun atanga tun thleng hian inneih nia Moin incheina atan a hman thin hi vawng nung zel theitu nih theuh i tum ang u.

7. Sum sen tlemna a ni bawk, mawi, zahawm leh hnam chawi sanna hi vawn that a pawimawh hle mai.

8. Tunlaiin a mawina leh zahawmna hriaa mo inthuamna tana Mizo puan ngei hmang kan lo awm tan leh mek hi a lawmawm a, uar deuh deuh zel ila a duhawm hle mai.

INNEIHNA LEH INNEIH NI

1. Lal Isuan a ngai pawimawh em em tih Bible-ah kan hmu a. Kanna khuaa Inneihnaah khan uain an tlakchham avangin tui uain-ah a chantir a.Isua khan inneihna a ngaihpawimawhzia leh inneite tlakchhamna phuhruk a duhzia kan hmu.

2. Pian ni, thih ni baka mihring hun pawimawh ber chu Inneih ni hi a ni tih theih ang.

3. Kristian Chhungkaw dinna tura Pathian ruat a ni.

4. Mi hrang daih inhmangaihna avanga lo piang a ni.

5. Pathian hmaa intiamna inkhawm a nih avangin incheina hi uluk a tha hle.

6. Thinlung lan thila ni a,pawn lam lan dan hi a pawimawh ber lem lo tih hriat thar a tha.

7. Inneihna hi chhungkaw bul tanna a ni a, Inneihna hautak avanga sum leh pai ba saa chhungkaw bul tan hi a hnu zelah phurrit a ni thei.

8. Mo kan lawm hi inneih ni atan chauh a ni lo.

Input: Saihmingliana Sailo