sum hmanga ram rotling siam turin chahSiaha DISHA meeting nimin khan an Chairman Pu CL Ruala, Lok Sabha MP leh Co-Chairman Pu Ronald Sapa Tlau, Rajya Sabha MP te kaihruaia neih a ni a, Meeting-ah Siaha Bialtu MLA Dr.K.Beichhua leh Pu N.Zakhai CEM MADC te an tel bawk a ni.

Pu CL.Ruala chuan Head of Office te chu CCS sum hmang ram rotling siam tur leh mipui te nun khawnawm zawkna tur rahbi tuksak tura tan la theuh turin a chah a. An harsatna tawh dan aiin an hnathawh zawh report ngaihthlak tur tam zawk thin se, tiin a fuih a ni. 

Pu Ronald Sapa pawhin thu sawiin, Tuktin hnathawk tura an chhuahin engtikah nge Tranfer order a chhuah dawn tih nghak a hnathawk lovin, Vawiinah hian mipui tan thil chhenfakawm enge an tih theih ang, ti rilru in hnathawk thin se a duh tih a sawi a.

He huna tarlan anih dan chuan, DRDA atangin 4th quarter chhungin MGNREGS hnuaiah ni 10 inhlawhna thawh a ni a. 2017-2018 chhung hian avaiin ni 78 inhlawhna siam a ni.

PMAY-G hnuaiah 2017-2018 chhungin Chenna In 140 target a ni laiin, Fund chengkhat mah la dawn loh a ni a. 2016-2017 chhung hian chenna In 567 sak tura target a ni laiin 224 chauh sak a ni tih pawh report a ni.

CMO office atangin nausen thi zat IMR chu 2014-2015 khan IMR 116 a ni laiin, 2017-2018 ah chuan 24 a tla hniam tawhin Mizoram District 8 te zingah IMR sanna lamah Siaha district hi 5-na a ni mek a ni. Tun 4th quarter chhunga IMR chu 20 a ni a, nausen 7 an thi. Measles-Rubella Vaccination campaign-ah Mizoram District 8 zinga a hun taka tan thei awm chhun an ni a. Malaria avanga thihna a awm lo va, Nu naupai 116 thisen test-ah leh midang 128 thisen test-ah HIV hrik pai tumah an awm lo. Hospital sak zawh a la ni loh avangin NEDP Fund atang hmanrua tamtak lo thleng hi dahna turah kan buai hle a ni, an ti. 
Siaha -ah tunlaia tui harsatna chhan PHE dept chuan report pein, Siaha-Tisôpi kawng lai mekin Gravity hmanga tuilakna pipe zawng zawng a ti chhe vek a. Tunah hian SGWSS hnuaia tuitlawk tui pump chauh an ring mek a ni.-DIPR

Post a comment

Powered by Blogger.