PUANLAISEN/PUANCHEI

A tirah chuan he puan hi mipa puan a ni. Puan vâr a lai hlai deuhva sen hlur, a khel lehlam lehlama a dumathai hruih a ni mai a. A lai sen leh a tak vâr lai hi a hran hran(țum hnih tah ) a tah a ni țhin a. Hei hi a rawng fiah țhat zawk nana tih a ni. A senah a phei atân la sen hman a ni a, a vârah la vâr. A hnu deuhvah a lâi senah chuan a vâr 1 inches emaw a aia lian deuhvin emaw an bâng tel a. Zethlan chi hrang hrang halkha, muthlakawi, fanghmamu, semit, mitmurual leh a dangte an pir(zep) ta a. Rawng chi hrang hrangte pawh a tungah an bâng tel ta zel a. A hmaah disûl emaw lenbuangthuam emaw an rawlh/zep bawk a.



Rei tak chhûng chu a vâr lâi mangpuan țialin an țial a. Kum 1950 thleng khan puanlaisen hi mangpuan țial a ni vek. 1950 hnu lamah mangpuan țial hi tidanglamin țial lohvin a vár hlang ringawta bân an uar leh ta a ni. Puanlaisena sakeizangzia telh hi 1955 hnu lam a ni bawk.

Puanlaisen hi țum hnih taha tah ani bawk a. Hmun hnihah a zung țhuina a awm. Zethlan leh hruih te a tam si a, a zia inhmu rem thlap thlapa tah tur chuan themthiam tak nih a ngai.

He puanah hian Mizo hmeichhiate themthiamzia hmuh theih a ni' ti ila kan tisual tam lo vang. Hmeichhe themthiam zualte phei chuan an themthiamzia lantir nan, zeh dan tluangtlam bakah tihdanglam leh zeh belhte pawh a lai senah an nei țhin. A ban țial dante chu tihdanglam hret hret ni mah sela, a zethlante hi chu tihdanglam a ni ve ngai lo, a puan tihlutu a ni. 'Puanlaisen'tih reng thin kha 1945 hnu lam ațang khan 'Puanchei' ti pawha sawi a ni ve ta a ni.



Puanchei hi Mizo puanah chuan a mawiin a ropui ber a ni a. Vawiin thlengin kan la hlutin kan la chîng êm êm a. Mizo hnam puan bera chhâl loh theih loh a ni. Kan Mizo puan zingah chuan Puanlaisen hi țhang chho leh danglam nasa berniin a lang. Tun hmaa mipa puan ni țhin kha tunah chuan hmeichhe puana ngaih vek a ni ta zawk a. He puan hi a mawi tawh êm avangin mipa nen chuan an inmawi tawh lo zawk mah. Puanchei hi puan upa tak chu anilo a , 1800 hnu lam niin a lang, 1900s tir lamah pawh mipa in an la veng a, tin hetih hunlai hian a design pawh a la simple hle.

PUANLAISEN/PUANCHEI ZETHLAN THENKHAT TE:DISÛL: Tahhruih ațang bawka hnahchawi siam ani a. A hming ang hian di hmunahte kan kala, di kan pal chuan kan kalna lamah a rawn thle țhum/dual țhin a. 'Sul zui' tihte pawh a ni țhin a. Hei hi a hming put chhan a ni awm e. A thlan hi duh len leh len loh dan azirin hnahchawi a tamin a tam lo va. Hnahchawi 12 aia tlem lo a ni tlangpui.Disul hi chi hnih - kawng khat/hrui khat nei emaw kawng hnih/hrui hnih neiin emaw a thlan theiha. .......... He zethlan hi a rei tawh hle a. Mizoten țing chauhva rawng dumna kan neih lai atang tawha kan pi puten an lo thiam tawh a ni. La rawng chi hrang hrang an neih hnuah Chhimpuantlangtialahte an thlang a. Puanlaisenah te pawh an zep nasa. A ngil te, a âwn te leh a mu nei te pawhin a zeh theih. Hetiang zeh dan hrang hrang hi Puanlaisenah kan hmu. A phel te pawh in an zep ve bawk țhin.



LENBUANGȚHUAM: Hei hi disûl nena ngaih pawlh awl tak a ni a. Chîk taka en erawh chuan a danglamna a hriat a ni. Lenbuang chu thing chi khat a ni a, thing vâng tak, buk mâwi tak, peng truk mai a ni. 'Țhuam' chu 'kak', 'tawi', tihna a ni. He zethlan pawh hi thing kâk, țawi nen inangangaih a nih vanga a hming hi pek a nih a rinawm. Disûl ang bawkin tahhruih ațanga thlanahnahchawia ni a. Kawng khat emaw kawng hnih emaw neiin a thlan theih a. Duh len leh tet dan azirin a hnahchawi hi a tamin a tam lo va. Mawi tur chuan hnahchawi 12 aia tlem lo tur a ni. Lenbuangțhuam hi zethlan hlui tawh tak a ni a. Hmanlai Mizo hmeichhiate lo themthiamzia tilangtu pakhat a ni. Chhimpuantlangțialahte leh a hnu deuhvah Puanlaisen/Puancheiahte zeh a ni. Vawiin thlengin he zethlanhi puanahte , shawlahte leh hak tur chi ahte zeh a la ni fo mai. Lenbuangțhuam hi a phelte pawhin anzep bawk thin. Puanchei takah hi chuan hmuh tur a tam lo khawp mai.

SAKEIZANGZIA: Tahhruihah rawng chi hrang hrang hmangin Sakeizângzia hi thaihruih a ni. Zethlan dang hming an lo phuah ang bawkin he zia hi a rân deuh ruai avangin Sakeizângzia tih a ni. Kum 1950 hnuah kha chuan puanlaisen/puanchei ah chuan tel ngei ngeitura ngaih ani. Sakeizângzia hi chi 4/5 vela zeh/hruih dan a awm a, a 'V' in emaw , 'V' phelin emaw, kawi 2 kawi 3 in emaw, step nei chiin emaw. A enga pawh hi Puanlaisen/Puancheiah an telh uar hle. Tun hnuah hi chuan a hlang te pawhin puanah an hruih fo ta mai. Ze thlan dangte nen pawh an zep È›hin bawk. Eng ze thlan nen pawh a inrem hle a ni. Mahse thaihruih a nih avangin themthiam tân lo chuan tah nalh a har. A tah a sawt lo bawk a. Tam tak chuan an ti peih lo.



FANGHMAMU: A hming ang hian fanghma mu angin a sei seng. Halkha nen ainang teuh hle a. Mahse Halkha aiinna sîn. Adang ang bawkin duh ang anga lian leh têin a zeh țheih. A malte, a țhiangte, a rualte, a mengte pawhin an zep țhin. Kawrlaisen/Kawrchei, Thangchhuahpuan leh Puanlaisen te zeh a ni țhin.

HALKHA: Hei hi Fanghmamu ang deuh a ni.Kawrlaisen/Kawrcheiah lehPuanlaisen/Puanchei ah a vâr laiah an zep uar êm êm. Thangchhuah puan leh kawrcheiahte pawh an zep tel. Themthiam chuan Halkha tluangtlam pangai lo deuhvin an ti fe/meng țhin. A phel(a in hawisan) te pawhin an zep bawk thin.

MITMURUAL: He zethlan hi a mawi hle a. A zeh pawh a har a. Thangchhuahpuanah te leh Puanlaisenah te a vâr laiah an zep țhin. A det țhut avangin mitmurual tih a ni ang e. Va mit rual' ti te pawha sawi a ni ve tho mai. A sîra mitmeng/de leh selutunte pawhin mitmurual hi an kîltir ve țhin.

SEMIT: Hmanlai chuan Mizoten Sial an vulh nasa È›hin a. Sial ngah leh ngah loh chu hausa leh hausa lo tehna chi khat a ni a. Man lehmualah te, thubuai hla buai rem nan te sial hi a pawimawh hlea. Mizo culture-ah sial hian hmun pawimawh tak a awh a. An puan ze thlanah meuh pawh a hming an lo chawi a ni. Hei pawh hi Thangchhuahpuan/Puanlaisenah te zeh ani È›hin.



HMAIZAH: He zethlan hi tah hruih ațang bawka hnahchawi siam a ni. Hnahchawi 8 emaw, a aia tam emaw, duh len danah chuan disul te pawh a ang lek lek. Puan hmaah an zep deuh ber. Kum 1950 tawp lam ațanga uar a ni awm e. Puanlaisena zeh hmuh tur a awm nual bawk.

Script Source:  Lusei puan

 Traditional Costume of Mizo Traditional Costume of Mizo

 Traditional Costume of Mizo Traditional Costume of Mizo

 LENBUANGÈšHUAM LENBUANGÈšHUAM



 LENBUANGÈšHUAM

Mizo Puan Chi Hrang Hrang

Mizo Puan Chi Hrang Hrang

Mizo Puan Chi Hrang Hrang

Mizo Puan Chi Hrang Hrang


Mizo Puan Chi Hrang Hrang
Mizo Puan Chi Hrang Hrang

Mizo Puan Chi Hrang Hrang

Post a Comment

  1. Thangchhuah puan ah pwh Selutun hi an zep ve thin in ka hria kei pawn ka nei Ka ta THANGCHHUAH PUAN AH CHUAN SELUTUN SELU A IN ZEP TLAT MAI A Nalh reuh Lutuk ........Aizawl ah chuan an ZEP Thiam lo an ti.....Kei pwn Manipur a mi a nia ka lei.........Thangchhuah puan a SELU IN ZEP CHU A MAWI KHWP MAI.....

    ReplyDelete
  2. Thangchhuah puan ah pwh Selutun hi an zep ve thin in ka hria kei pawn ka nei Ka ta THANGCHHUAH PUAN AH CHUAN SELUTUN SELU A IN ZEP TLAT MAI A Nalh reuh Lutuk ........Aizawl ah chuan an ZEP Thiam lo an ti.....Kei pwn Manipur a mi a nia ka lei.........Thangchhuah puan a SELU IN ZEP CHU A MAWI KHWP MAI.....

    ReplyDelete
  3. Thangchhuah puan ah pwh Selutun hi an zep ve thin in ka hria kei pawn ka nei Ka ta THANGCHHUAH PUAN AH CHUAN SELUTUN SELU A IN ZEP TLAT MAI A Nalh reuh Lutuk ........Aizawl ah chuan an ZEP Thiam lo an ti.....Kei pwn Manipur a mi a nia ka lei.........Thangchhuah puan a SELU IN ZEP CHU A MAWI KHWP MAI.....

    ReplyDelete
  4. model ho khi an nalh ber 😀😀 zo puan th vel ai chuan

    ReplyDelete
  5. Ka duh ang ka la hmu lo. Mizo puan awmze hrang hrang nei.. Entirnan..Puanchei chu ven hun bik an nei a. Duh hun hun ah an veng lem lo. Hmaram te pawh..Ngotekherh te.. Khang ven hun bik an neih hun pawimawh leh a puan nen a a in kungkaih ka kha ka hre chak khawp mai. Puan thenkhat chu Raicheh an awm a nula ho in an ven bik te pawh a awm in ka hria. Mizo puan awmze hrang hrang nei te ti in ka zawng thin a. Ka hmu zo tlat lo.

    ReplyDelete
  6. I was reading some of your content on this website and I conceive this internet site is really informative ! Keep on putting up. cosplay girls

    ReplyDelete

Powered by Blogger.