NGOTEKHERH - MIZO TRADITIONAL - TIMES OF MIZORAM

Breaking

Home Top Ad

Post Top Ad

NGOTEKHERH - MIZO TRADITIONAL

NGOTEKHERH

He puan hi a tirah chuan puan vâr hlang, a khel pahniha inches 3/4 vela hlaiin a dumin an thaihruih a. Thaihruih tlângah chuan a dum leh a varin kuthruih te tak te dah a ni a. Chu chu 'kherh' tih a ni. A puan hming 'Ngotekherh' put chhan tak pawh a ni. Hun a lo kal zel a. A kherh leh hruih bân lovin a tuipalah a dumhlai deuhvin an bang a 'Tlângțial ngotekherh' an ti ta deuh kher a. A hnuah phei chuan a tak a dumin a khat tawkin zung khat bawk lek lek tein an țial a. A pheiahte pawh a tung ang bawkin a dumin an rawlh țial a. Chutiang chu 'Mangpuanțial' an ti. A tung leh a phei dum hi kil li țha tak turinan hîsap țhin. Tunlai ngotekherh kan hmuh ang hichu 'Tlang țial' leh 'mangpuanțial' anni.


Mangpuan hi hmanlai lusei pasalțha puan hranpa ani a, hemi entawn hian ngotekherh hi țial tir ani,chumi awmzia chu a thaihruih chhiartel lo in(a chhuk zawnga kal a dum lianpui hi thaihruih ani) ngotekherh a , a vâr(ngo) lai area zawng a rin dum a phei (horizontal line) leh rin dum a chhuk zawnga kal(vertical line) zawng zawng hi Mangpuan entawna rawlh luh vek an ni. Hei hi 1930 chho velah an ching țan , 1930 hmalam ngotekherh ho kha chu a mawlmang hle.

A tira mipa puan ni țhin kha, hun eng emaw hnuah hmeichhia pawhin an bih ve ta a. Thlalak hluiah 1920 hma lamah hmeichhe inbel hmuh tur a vâng hle. Tun thlengin he puan hi kan la vawng nung reng a. Kan hnam puan zingah chuan tihdanglam vak lohva vawiin thlenga chhawm nun awmchhun a ni hial awm e. A kherh dan erawh hi chu tun hnuah hi chuan kuthruih ni lovin thaihruih a ni ta zawk...

'HRUIH' leh 'KHERH'


Hruih:
Hruih dan hi chihnih a awm a-Kuthruih leh Thaihruih. Kuthruih chu ar ril phiar anga phiar a ni a. La rawng chi hnih anhmang deuh ber a.A râng rak țhin.Puan tlângah a tlo nan an kuthruih țhin a.Chutiang chuan pawnpui tlâng leh pawndum tlâng an kuthruih țhin.  Ngotekherhpuan hmasaah kha chuan a thaihruih tlângah an kuthruih țhin. Thaihruih hi tahhruih hmanga a tung miah lova aphei chauh langa tah dana ni.Pi pute khan an thiamna a rei tawh hle a. Tawlhlohpuan,Puanrin, Ngotekherh leh Puanlaisen ahte hmuh tur a awm.  Thaihruihhithil awlsam taka lang, mahse harsa tak a ni a. Themthiam tak tan lo chuan tihnalh a harsa a. A tah lah a sâwt lo. Thaihruih hmang hian ze hrang hrang sakeizangziatepawh a siam theih. Thaihruihhi a var avangin tun hma pawhinpuanlaisena ze thlan dang dang zep thiam;thaihruihthiam an awm țhin a. Chutiang chuan a thaihruih lai tah turin mi dang an lâwm/tha thleng thin. Thaihruih hi dawhkilh hmanga thai thai a nih avangin sakuh dawhkilh hi chu a hman tlak lo va,saruh dawhkilh kher an hmang thin.


Kherh:
Hei hi Ngotekherh mi, a thaihruih dum tlânga a vâr leh duma rawih hnih leka hruih hi a ni a. A puan hming kengtu a nih avangin a pawimawh êm êm a ni. Puan laisen/puancheiah pawh a duma thaihruih hmawrah an telh țhin. Tun hma ngotekherh chuan kuthruihin an kherh țhin a. Tun hnuah erawh chuan a awlsam zawk bawk a, thaihruihin an kherh

Miss MizoramNGOTEKHER - MIZO TRADITIONAL



NGOTEKHER - MIZO TRADITIONAL NGOTEKHER - MIZO TRADITIONAL



NGOTEKHER - MIZO TRADITIONAL Mizo attire

NGOTEKHER - MIZO TRADITIONAL



NGOTEKHER - MIZO TRADITIONAL

NGOTEKHER - MIZO TRADITIONAL



No comments:

Post a Comment

Post Bottom Ad