June 20, 18 (Nilaini) khan New Lungrang leh Bunghmun ‘S’ ah Tuilian, Rial leh Leimin tuartu te tan Mizoram Baptist Kohhran,  Relief & Development Department chuan tanpuina hna thawh chhunzawmin a hmunah Staff te an kal.  New Lungrang a khuarel chhiatna tuartu Chhungkaw 15 tan Rangva phek 50 leh Bunghmun ah chhungkaw 30 te tan Rs. 48000/- in chhawmdawl an ni.
Tanpuina hlan
Report kan hriat theih chinah – tunhnaia chhiatna hrang hrang tuartute tanpuina atan theih ang angin BCM Relief & Development Departent leh Kohhran mal te, BKHP leh  TKP ten tanpuina an pe chhuak ve reng a.  R&D bik hian tunhnaia Siaha Bus Accident a hliam tuarte lehg mitthi te – Chawhnhu lama phurh te tan Rs. 5000/-, Bungtlang ‘S’ lama phurhhaw te tan Rs. 5000/- a pe a, Lunglawna leimin-in a hnawl chhungkua Pu Peka te hnenah Rs. 5000/- a pe nghal bawk.


Tin, tuntum ruahsur avanga leimin leh tuilian tuarte tanpui nan Tlabung YMA hnenah Rs. 5000, Sairang YMA hnenah Rs. 5000/- Zohnuai leh Electricveng, Lunglei-a leimin tuarte chhawmdawl nan YMA/VC hnenah Rs. 2000 leh Sulpouline 2 ve ve a pe nghal bawk.  Tin, Sairang-ah hian  in pakhat tuiin  a chîm  Pi. Maengii te chhungkua leh an chenna in thingin a vuak chhiat sak, Pu.Lalmuana Sairang te chu Rs.2000/- ve ve-in á¹­anpuina a pe bawk a. Zawlnuam YMA hnenah tanpuina Rs. 3000/- BCM R&D hmingin hlan a ni bawk. Heng bakah hian mimal leh chhungkua te hnenh Sylpouline engngemawzat pek chhuah a ni bawk.

Tunah hian BCM Assembly hmalakna-in BCM Charity Progamme chu kalpui mek a ni a,  tanpui ngaite tanpui leh Rethei pachhia te ngaihsak a, fahrah leh chanhaite tanpui na turin BCM Charity ah thilpek hmang a rawngbawl tura mi in in pe an awm tan mek a ni. (about BCM Charity Programme)


I mamawh vak loh RO thil i neih te kha vanduai zawkte tan hmang tangkai daih teh. Hlimna thuruk chu khawl tam lam nilovin LUAN CHHUAH hnem lam a ni zawk reng si. ~BCM

Post a Comment

Powered by Blogger.