Mizoram Underground Returnees Association (MURA) ten Mizoram Pradesh Congress Committee (MPCC) nena inremna an siam tihpuitlin phûtna atana June Ni 6 tlai atanga an pisaa-a chaw nghei an tan chu vawiin hi a ni 18 -na a ni ta a. An thil phût a hlawhtlin hma chu chaw nghei an tum tih MURA President Pu PC Lalthuama chuan a lo sawi tawh a ni.
MURA hian an pisa-a tiamchin awmlova ni kaw chhung chaw an nghei hnuah MPCC Political Secretary to Chief Minister Pu KVL Siamkima nen an inbiakna avangin ni 15 khan chawnghei an titawp lailawk a. Hemi hnu hian MURA hian ni 19 khan thuchhuah siamin MPCC leh MURA political agreement tihhlawhtlin phût nana MURA-in chaw nghei a kalpui mek laiin, MPCC hotute leh official-te tiamin vawi li inbiakna an nei tawh tih an sawi a. An thilphutte tihlawhtling tura inbiakna puitling a awm loh avangin tiamchin awm lova chaw nghei chhunzawm kaltlangpui tha an tih thu sawiin, ni 19 tlai atangin chawnghei hi an chhunzawm leh ta a ni.
MURA member chawnghei te hi kum lama upa te an ni a, tun dinhmunah Medical lam atangin tlawh tu an la nei lo ni a hriat a ni a, MURA te hian kum 1998 leh kum 2013 Assembly inthlan dawnah Congress party-te nen inremna an siam ah MPCC & MURA agreement angin, MURA member in hmun neite in sak tanpuina Nuai 20 theuh sorkarin pe turte, sorkar hna 4th. grade atanga LDC thleng (MRHG telin) ram puma MURA member tu leh fate tan post 200 sorkarin pe turte. Contract/ immediate relief MURA-te intuam hlâwm nan sorkarin-a a pek tur leh NLUP a rang lamin ram puma MURA-te sanction sak tur te in inremna thuthlung an an nei a ni. AIR News Aizawl
Post a Comment