Mizoram University-a Examination department chuan nimin khan kumin May thlaa under graduate exam result a tichhuak a; 6th. semester pass-a graduate thar mi 2,457 an awm. Malsawmthanga, Pachhunga University College (Botany) chuan 91% hmuin, a pumpuia mark hmu ṭha ber a ni.

Mizoram University


MZU-in under gra­duate a tihchhuahah hian, 6th. semester-ah college 22 aṭanga zirlai exam 3,887 zinga 2,457 an pass a, pass percentage chu 61.47 a ni. Arts (B.A)-ah chuan zirlai exam 3,223 zinga 1,950 (60.50%) an pass a, Science (B.Sc.)-ah zirlai exam 513 zinga 308 (60.04%) an pass.

Bachelor of Comme­rce (B.Com)-ah exam hma­chhawntu zirlai 242 zinga 192 an pass a, pass percentage chu 79.34 a ni a; Home Science-ah zirlai exam 19 zinga pasarih (36.84%) an pass bawk.

Stream tina ti ṭha ber, gold medalist-te chu - B.A-ah Lalbiakenga (History), Pachhunga University College (PUC); B.Sc.-ah Malsawmthanga (Bo­ta­ny), PUC; B.Com-ah Vanrammawii, Hrang­bana College leh, B.Sc (Home Science)-ah Baby R Lalruatfeli, Zirtiri Residential Science College-te an ni.

Sixth semester-ah hian Arts zirna college 22 zingah Higher and Tech­nical Institute, Mizoram (HATIM)-a zirlai 21-te an pass vek a, pass percentage zawnga ṭha ber (100%) an ni a; candidate 379 nei PUC-in dawtin 84.96% an pass. Chutih laiin, Lawngtlai College chu pass percentage chhiatna ber (24.21%) a ni.


MZU hian 4th. semes­ter leh 2nd. semester result a tichhuak bawk a; 4th. semester-ah zirlai exam 5,377 zinga 3,817 pass in, pass percentage chu 70.99 a ni a, 2nd. semester-ah zirlai 7,019 zinga 3,746 pass in, pass percentage chu 53.37 a ni.

Fourth semester-ah hian Arts-ah zirlai exam 4,324 zinga 3,047 (70.47%), Science-ah zirlai 681 zinga 516 (75.77%), Com­merce-ah zirlai exam 345 zinga 235 (68.12%) leh, Home Science-ah zirlai 27 zinga 19 (70.37%) an pass.

Second semester-ah chuan Arts-ah zirlai exam 5,913 zinga 3,061 (51.76%), Science-ah zirlai 763 zinga 432 (56.62%), Com­merce-ah zirlai 321 zinga 236 (73.52%) leh Home Science-ah zirlai 22 zinga 17 (77.27%) an pass a ni.  -Vanglaini

Post a Comment

Powered by Blogger.