Chhana Vidìc Vanchhawng

ZIRLAITE SCHOLARSHIP LAK TLAI CHHANAH HIAN THIL DIK TAWK LO A AWM EM NI?

Mizoram Zirlaite Scholarship Lak Tlai Chungchang

Tunlai hian Mizo naupang, an chanpual Scholarship an la dawn loh avangin an mangang hle.

Zirlaite chuan "School/College ah admission tih a hun leh tawh a, zirna in tam zawk phei chu an khar leh tawh. Admission tihna atan leh School uniform, zirlai bu leina atana kan lo ruahman leh hisap kan dawn hun tura kan ngaihah kan lak theihloh avangin kan duhna school/college ah pawh seat kan chan theihloh phah a ni," an ti.

Hetihlai hian Mizoram Scholarship Board a an hotute chuan theihtawp chhuaha an beih thu an sawi ve mek a. Ni 4/06/18-12/06/18 inkar khan Zirlaite Scholarship hi 2nd Installment thleng chu a sem tu tur Mizoram Co/Operative Apex Bank hnenah an pek chhuah thu an sawi ve thung a. 3rd Installment erawh Central lam atanga an la hmuh loh avangin an buaipui mek thu an sawi ve mek a.

SCHOLARSHIP AN LA DAWN LOH AVANGIN MIZO ZIRLAITE AN MANGANG TAWH HLE

Chutihrualin thla hmasa i.e., 15/05/18 khan MSB leh Apex Bank lam tangkawp khan thuchhuah intawm angreng deuh siamin Zirlaite Scholarship hi 3rd Installment thleng an hmuh tawh thu sawiin a tuk ni 16/05/18 atangin an sem tan tur thu an sawi a. An sem chak dan a zirin a karleh lamah chuan College lam pang pawhin an hmuh hman tur thu an sawi a. Hei bakah hian Scholarship an sem chhung hian 4th Installment pawh an hmuh a, an sem hman an inbeisei thu thlengin an sawi bawk a nih.

Mahse, chutiang taka thu an tihchian lai chuan Zirlaite, a bikin College naupang lamah phei chuan an A/C a lut sawi tur an la awm lo. Hemi hnu daih thla thar June ni 5 vel khan thuchhuah rawn nei lehin Zirlaiten Scholarship hi an hmuh vat theihnan an beih mek thu an sawi mai bakah Apex Bank lam hian thuchhuah rawn neiin Bank lam an nawrh avangin an la khawih theih loh thu leh hma an lak tan thu an sawi leh a. Hemi chungchangah hian Bank hi ni hnih i.e., 24/05/18-25/05/18 chauh an nuar thung a. An nawrhna hi Zirlaite Scholarship dawnlohna chhan ah chhuanlam a tling lo a tih theih awm e.

Hemi hnu ni 11/06/18 a Aizawl City College Joint Student Union(ACCJSU) hruaituten Mizoram Scholarship Board (MSB) leh Apex Bank lam thuneitute an kawmna ah chuan an buaipui mek thu leh an dawn theih tep thu in an lo chhan mai bakah 3rd installment an buaipui mek thu an sawi a.

He thilah hian thildiklo a awm em ni? Kum dangah chuan Indsl. Bank lamin Zirlaite Scholarship hi buaipuiin an la tlai ngai lo. An sem tura an intiam atanga kar 2 chhung velin an sem zo thin. Tunah Apex Bank lamin an khawih tak avanga neuh neuh awm hi hriatthiam a va har em!! Thla hmasa atanga an sem tur thu an sawi tawh a. A tuk atanga sem mai tura inpeih an nih tawh thu an sawi laiin vawiin ni thlengin an sem awm hriattur awmlo leh an buaipui mek thu chauh a an la chhang hi hriatthiam ava har em!! Hei bakah a hma a an sawi 4th installment an buaipui mek an tihlaia tuna 3rd installment an buaipui thu an sawi leh daih hi hriatghiam phak bak a ni. Zirlaite Scholarship pung it tawk lek hian kan ram hi a chhe ta em ni le!!

An hlawh a hunah tak an lak theih loh chuan emaw, an hlawhsan phut a sorkar/Bank hnathawkte an nawrh thin laia an fate chanvo hetia hrek khawtlai sak reng hi a dik bik em ni? Mahni hlawh laktlai avanga lungawilo thin te hian engvangin zirlaite an zirna atana tanpuina an dawn hi hrek khawtlai bik nge an nih. An ni nise an lungawi bik ang em le!

Post a comment

Powered by Blogger.