Tuikuk in Mizo Naupang Chem a Sah An Tum !
PRESS RELEASE
Pu Vanlalthlanga Tupa, Zawlpui khua ,Govt.Borai High School, Zawlnuam a Class 10 zirlai chu Tuikuk mipa 3 ten a school bang a haw lam kut thlak in Chem a sah hlum an tum a.Hemi chung chang hrechiang tur hian Vawiin khan MZP Headquarters, Zawlnuam hruaitute leh YMA Langkaih Group hruaitute chuan He thil thlenna hmun Zawlpui khua hi kan pan nghal a ni.
Zawlpui VC leh Zawlpui Branch YMA, Hamsapara(Tripura Refugee Camp) khua a Young Bru Association leh Khawtlang hruaitute nen in biakna neih nghal a ni. Pi Lalremthangi hnen a tang in, a tupa chunga thil thlendan kimchang ngaihthlak a ni a. He Mipa naupang hi Zawlpui khua a tang in Govt. Borai High School, Zawlnuam ah lehlang in school a kal thin a(Ke in a kal).A school bang haw lam chu Zawlpui khaw thlenhma deuh ah Tuikuk Tleirawl pakhat in lo tibuai in Chema sah tum in a rawn bei a, Mizo naupang chuan lo bei let in a chem ken pawh chu a phih thlak sak a, Mizo naupang a hneh tak si loh ah chuan Tuikuk pa chhan tur in kawngsir hnimbuk kara biru Tuikuk puitling pahnih chu an lo chhuak nghal a. Mizo Naupang chu kut rawn thlak nghal in, Chem a sah tum a an ipte a tanga chem an phawrh laiin an manna a tang in Mizo Naupang hi tal chhuak in a tlan chhe ta a ni. Hetia a tlan chhiat hnu pawh hian Tuikuk ho hian la um zui in Km 1 vel lai an umzui a ni.
Heng Tuikuk 3 te hi Hamsapara(Tripura Refugee camp) a awm te an ni. Hetiang thil a thlen tak ah chuan rang tak in Hamsapara khua a Young Bru Association hruaitute leh khawtlang hruaitute chuan Ngaihdam diltur in Zawlpui khawlam hi an rawn pan nghal a, Tuikuk misual te hi an tlanbo thu leh man ngei an tum thu an sawi a ni. Zawlpui Village Council kaihhruaina hnuai ah Joint Meeting neih nghal a ni a. Ni 23/6/2018(Inrinni) dar 11:00 AM ral hma ngei a Kut thlaktu, Tuikuk pathum (3) leh an chhungten, Pu Vanlalthlanga te chhung hnen ah an mahni ngei Zawlpui khua ah kal in ngaihdam dil se, Zangnadawmna pe bawk rawh se kan ti. Hemi hun chhung a ngaihdam an dil lo a nih chuan Mizoram leh Tripura in kalpawhna na zawng zawng danchah vek nise, Mizoram leh Tripura in kalpawh phal loh nise, Na taka he thil hi bawhzui zel nise kan ti.
He huna thusawitu Tv.Edwin Lalrinnunga Ralte, President MZP Headquarters,Zawlnuam chuan Mizo zirlai in kan kawtkai a Hnam dang kut a tuar hi an hriatthiam loh thu leh, Mizote chu thianchhan thih ngam hnam, Ram leh hnam chhan nan chuan Thihpawh huam kan nih thu a sawi a.Mizo pakhat kutthlak tu chuan Mizo hnam kut a thlak ani tih hre tur in a chah a. Tun hnu ah Tuikuk ten Mizo pawi an sawi leh anih chuan thu a sawifel a nih tawh loh tur thu a sawi bawk a ni.
Pu J.Malsawma, President, Langkaih Group YMA pawh in thu sawiin Tuikuk te chu Misual hum lo tur leh an phutawk hremna an hmuh ngei theih nan a man chhuak ngei turte, tun hnu ah hetiang thil a thleng leh a nih chuan Hnam ang in kan inkar ah thil tha lo a thleng anih pawh in Tuikukte cho chhuah a nih tawh turthu a sawi a ni.
Zawlpui khua hi Zawlnuam a tang in Km 7 vel a hla a awm a ni a, Langkaih ral leh lam hi Tripura ram Tuikuk khaw lian tak tak awm na a ni. Langkaih lui hi Mizoram leh Tripura inkar a luang a
ni.
Sd/-
K.Laldinliana
Secretary
MZP Headquarters, Zawlnuam
Post a Comment