Tuisualral Higher Secondary School, Sakawrdai School naupangten, sikul kal thlawn

Vawiin (25.06.2018) khan, Mizoram Government Lumpsum Grant-in-Aid Higher Secondary School Association (MIGLAHSSA) hmalak mekna avanga ni 18.6.2018 (thawhtanni) atanga khar tawh Higher Secondary school pakua (9)-te zinga pakhat, Tuisualral Higher Secondary School, Sakawrdai sikul naupangte chuan, karkhat lai mai sikul an kal tawhlo chu, kan Sawrkar in hma a lak tawh beiseiin, sikulah an kal. Hmalakna a la awmloh avangin, sikul erawh a lo la inkhar, rilruna tak leh sikul kal chak em em in leh mittui tla chungin an haw a.. Sikul kal an duh tawh zia leh MIGLAHSSA te hmalakna, sikul pakua te Adhoc Grant-in-Aid status a hlankai a pawimawh zia lantirnan, leh sikul tha taka kal zawm an duhzia lantirnan placard te kengin an duhna tihlanna hun an hmang zui nghal bawk a ni.

He sikul a zirlai pawl awmchhun Students Evangelical Union hruaitute chuan zawhna chhangin, "Kan Sawrkar chaktak, miretheite hmangaih a, VIP ang hiala min enkawltu hian, a rang thei ang bera kan harsatna hi min sut kian sak tura an duh thute. A thlawnna sikul kal an duh ve an chak tawh zia leh he an sikul kum 14 lai mai khawtlangin harsa taka a lo enkawl tawh hi, Adhoc Grant-in-Aid Status a hlang kai sak ngei tura an duh thu an sawi. Naktuk atang hian, he sikul (Tuisualral Higher Secondary School) a kal thin khuate: Sakawrdai, Thingsat, Vaitin, New Vervek leh Khawpuar khua ah te kalin, he sikul dinhmun sang zawka hlangkai ngei tura Sawrkar ngenna leh a hlangkai theilotu chu 2018 General Election lo awm turah hian vote lo ngam tur atana Signature Campaign neih chhunzawm nghal an tum thu an sawi bawk.

Signature campaign an neih zawhah hian, an signature lakkhawmte hi, bialtu MLA hnenah emaw, a aiawha dawng theitu tur, SDO (Civil) a awmloh pawhin 7th Tuivawl Constituency a, Congress Party North Block President kutah hlan an tum thu an sawi tel bawk."

He an harsatna hi, kan Sawrkar hian ngaihsak vat sela. A rang thei ang ber naupang harsa tak takte hian, an zirlai an chhunzawm leh vat theihna tur kawng hi zawn sak thuai thei sela a duhawm tak meuh a ni...

Rz Hrangchal