Mizoram Underground Returnee Association (MURA) ten Mizoram Pradesh Congress Committee (MPCC) nena inremna an siam tihpuitlin phûtna atana June Ni 6 tlai atanga an pisaa-a chaw nghei an tan chu vawiin hi a ni 20 -na a ni a. An thil phût a hlawhtlin hma chu chaw nghei an tum tih MURA President Pu PC Lalthuama chuan a sawi.
MURA hian an pisa-a tiamchin awmlova ni kaw chhung chawn an nghei hnuah Political Secretary to MPCC President KVL Siamkima nena an inbiakna avangin June ni 15 khan chawnghei an titawp lailawk a. Hemi hnu hian MURA hian June ni 19 khan thuchhuah siamin MPCC leh MURA political agreement tihhlawhtlin phût nana MURA-in chaw nghei a kalpui mek laiin, MPCC hotute leh ofiicial-te tiamin vawi li inbiakna an nei tawh tih an sawi a. An thilphutte tihhlawhtling tura inbiakna puitling a awm loh avangin tiam chin awm loa chaw nghei chhunzawm kaltlangpui tha an tih thu sawiin, June Ni 19 tlai a\angin chawnghei hi an chhunzawm leh ta a ni.
MURA member chawnghei te hi chawhrualin kum 60 chung lam an ni a, tunah hian mi 20 chawnghei an awm mek a, an hriselna endik tur hian Medical lam chuan vawi khat an tlawh tawh tih MURA President chuan a sawi a, an dinna ngaia an la din reng thu a sawi bawk. MURA te hian kum 1998 leh kum 2013 MLA inthlan dawnah Congress party-te nen inremna an siam ah MPCC & MURA agreement angin, MURA member in hmun neite in sak tanpuina Nuai 20 theuh sorkarin pe turte, sorkar hna 4th. grade atanga LDC thleng (MRHG telin) ram puma MURA member tu leh fate tan post 200 sorkarin pe turin. Contract/ immediate relief MURA-te intuam hlâwmna’n sorkarin-a a pek tur leh NLUP a rang lamin ram puma MURA-te sanction sak turin inremna thuthlung an an nei a ni an ti. -AIR News Aizawl
Post a Comment