TACHHIP YMA LEH ASEP TEN BIRDS SPOT ATAN INREMNA (AGREEMENT) ZIAK
Lalmanga nu lawm rawih ni 21.06.2018 zan khan Tachhip Branch YMA leh ASEP General Headquarters, Aizawl te chuan YMA Office-ah kum 1 vel zet inbiakna kan lo neih tawhna Tachhip YMA Park leh a chhehvel ngawte chu Mizorama savate humhalhna hmun bik hmasa ber atan “Birds Spot” a vuah turin Inremna Thuthlung (Agreement) ziah fel a ni ta. He agreement ziahnaah hian Tachhip lam atangin YMA hruaitu mi 6 an tel a, ASEP aiawhin hruaitu mi 5 kan tel bawk a ni. A hming atan “Tachhip-ASEP Birds Spot” tih vuah fel nghal a ni a, YMA Park hming hun rei tak a lo put tawh hi he hming thar hian a luahlan lo va, savate humhalhna atana buatsaih lehzual tur a nihna kawngah hming a put belh tihna a ni.
Inremna thuthlung ziah pah hian he Birds Spot enkawla buaipui biktu tur joint committee pawh din nghal a ni a, hetiang hian hruaitute ruat nghal an ni :-
Chairman : Pu R. Vanlalrawna, Tachhip
Vice Chairman : Pu K. Lalmuansanga, ASEP
Gen. Secretary : Pu B. Lalhminghlua, ASEP
Asst. Gen. Secy. : Pu H.P. Lalniliana, Tachhip
Treasurer : Pu Ramnunsanga, Tachhip
Fin. Secy : Pu K. Lalawmpuia, ASEP
A kal zel dan tur chu pawl pahnih aiawh joint committee hian a ngaihtuah zel dawn a ni.
Post a Comment