CHAKMA AUTONOMOUS DISTRICT COUNCIL CHUNGCHANGAH MEETING NEI - TIMES OF MIZORAM

Breaking

Home Top Ad

Post Top Ad

CHAKMA AUTONOMOUS DISTRICT COUNCIL CHUNGCHANGAH MEETING NEI

CACD Chanchinthar: Vawiin chawhma khan Mizoram Governor Pu Kummanam Rajasekharan kaihhruaiin Chakma Autonomous District Council chungchang meeting Raj Bhavan-ah neih a ni a. He meeting-ah hian Chief Minister Pu Lal Thanhawla pawh telin, CADC member-te leh Mizoram sawrkar aiawhte an tel a ni.





Pu Kummanam Rajasekharan chuan sawrkar hnathawk kan nih angin mipuite hmasawnna tura kan thawh zel hi a pawimawh a ti a, thutlukna kan siamah mawh kan phurh ngamin, langtlang taka hna kan thawh a pawimawh a ni, a ti. Mipui tana sum kan hman te chuan awmzia an nei tur a ni tiin, kan tihsual a thiang lo a ni, a ti. Council aiawha lokalte hnenah chuan midangte aia an Council danglam bikna chu zawng chhuaka, chung danglam biknate chu remchannaa hmangin, Council tana sum hnar a chan tir dan tur ngaihtuah turin a chah a. Inkalpawhna leh inbiakpawhna lamah harsatna nei mahse inrelbawlna mumal tak awm se a duh thu a sawi bawk a ni. 

mizoram chanchintharChief Minister Pu Lal Thanhawla pawhin sawrkarna an siam apianga Autonomous District Council pathumte inrelbawlnaa an inrawlh ngai loh thu sawiin, India Danpui hnuaia Sixth Schedule anga mahnia inrelbawl tura thuneihna an hlan thin thu a sawi a.  An ni aia Council mamawh leh harsatna hrechiang tur an awmlo tiin, Autonomous District Council-ten zalen taka an inrelbawl chu tha a tih thu a sawi a, thuneihna pawh a tam thei ang ber hlan an ni tiin, budget allocation pawh tihpun a nih thu a sawi a ni.  





Council-te sum hman dan viltu thuneitu (authority) din sawrkar chuan ngai nia a hriat chang nei mahse vawiin thlenga an sum hman dana sawrkar a inrawlh loh thu a sawi a ni. Chief Minister chuan zalen taka thuneihna an hlan chuanga sum hman dik lohna a awm chu pawi a tih thu a sawi a. CADC hruaitu tharte hnenah chuan Central leh State sawrkar atanga sum an hmuhte chu renchem taka hmang a, a hmanna tur dik taka hmang turin a chah a ni. Dan chu mumal taka zawma, mipuite hmasawnna atana thawk zel turin a chah bawk a ni. 

Vawiina meeting-ah hian tunhnaia Comptroller and Auditor General Report-te, sum enkawl dan chungchangte, CADC hnena sum release dante, hmasawnna ruhrel kaihhnawih harsatnate, hriselna, zirna, post hnawhkhah dan turte, hnathawh mekte vil dan turte, inrelbawlna mumal neih dan tur leh thu pawimawh hrang hrangte sawiho a ni.

Pu Rodney L. Ralte, Secretary, District Council and Minority Affairs department chuan presentation pe in CADC chungchang thlirho a ni a. CADC huamchhunga kum 2016 hnulama project enkawl mekte dinhmun a tarlang bawk a ni. -DIPR

Post Bottom Ad