CHILDREN FILM FESTIVAL AIZAWLChildren Film Festival 2018 chu ni 8 - 10 August 2018 chhung khian Lal Thanhawla Auditorium, Aizawl-ah neih a ni dawn a. Festival chhung hian India rama film tha leh awmze nei tak tak bakah Mizo Short Film pahnih ‘Rinna’ leh ‘Pialralah’, tunhnaia I&PR Department in short film competition a buatsaiha lawmman  pakhatna leh pahnihna dawngte tihchhuah a ni dawn a ni.





Children Film Festival hi Ministry of Information & Broadcasting hnuaia Children Film Society India (CFSI) leh  Dy.Commissioner, Aizawl te buatsaih tur a ni a. Hemi chungchang ngaihtuah hian Pu John LT Sanga, Dy. Commissioner, Aizawl hovin  D.C Office Chamber-ah a kaihhnawih department te, I&PR, DEO, RMSA, SSA leh Mizoram Film Forum  ten vawiin khan meeting an nei a. Festival hi ni 8.8.2018 ah I&PR Minister Pu Lal Thanzaran a hawng dawn a ni.

Zirlai pawl V atanga pawl XII, Government leh Private School thlan te Festival-ah hian sawm an ni a, CFSI atangin Joint Secretary chuan he hun hi a rawn hmanpui dawn bawk a ni.

Post a Comment

Powered by Blogger.