ZoramthangaMNF president Zo­ram­thanga chuan, MNF sorkar laiin sikul 300 chuang dinhmun sang zawkah an hláng kai tih sawiin, "Sikul pakua upgrade theih loh hi a theuneu lutuk. Kan sorkar hunah heng sikulte hi kan upgrade dawn a ni," a ti.

Nimina Mizo Hnam Runa inkhawmah thu sawiin Zoramthanga chuan, Mizoram sorkarin sum nei tam tial tial mah se, NLUP atan an hman zawh zel avangin hmasawnna kal lai a châwl ṭhuap niin a sawi a, "He sorkar kan hrawn mek ning tawh hi kan insûl zut mai a ni. Sikul neitu te, zirlai te, zirtirtute leh khawtlangin he sorkar thlak an châk tawh a, mipui manganna hian tàwp chin a nei ngei ang," tiin, Pathianin Mizo mipuite manganga an awm reng a phal a rin loh thu a sawi. 





Zoramthanga chuan, MNF sorkar lai leh tuna Mizoram sorkar sum neih zat a intam hleih hle tawh tih sawiin, "Pawisa a tam tulh tulh a, sorkar hnathawkte hlawh lâk theih loh leh sorkar pawisa indaih loh leh pawisa awm lo tih chu Zoram mipuiten kan hre kham ta. Central sum zémah thàl sèn loh a awm a, a awm sa tlemtê chu hmang zoin, a dang hai luh tumna an nei si lo a, budget chu a chi atan hmang loin, NLUP-a semah an hmang zo zel a ni," a ti. -Vanglaini

Post a comment

Powered by Blogger.