Hmeichhe Huang - Engvanga hmangaih nge i nih le? - TIMES OF MIZORAM

Breaking

Home Top Ad

Post Top Ad

Hmeichhe Huang - Engvanga hmangaih nge i nih le?

A zar hneh em vang 

Hmeichhe HuangPi pu te thurochhiah pakhat, "Hmeichhia leh Uite a chul nel peih peih" tih a ni. Hmeichhia te hian mipa engtikhawp pawhin ngei em emin, luakchhuak khawpin ngei pawh nise, a mipain beidawng lo leh tum ruh taka a zui zel chuan a tawpah a thlem thlu thei fo mai. Mahse, hetah hian mipa leh hmei-chhia kan in ang lo tlat mai. Hmei-chhia hian, mipa duh lo chung chungin engtikhawpin zar hneh tum mahse, zar hneh a tum poh leh mipa chuan a haw telh telh zawk thin. 
Mahse, pawngpaw zar a zar lovin, a duhzawng leh a vei zawng hriat tumin hriat theih lova a ruka a zar tak tak chuan a tawpah a thlem thlu thei. A awmzia taka chu, Mipain hmei-chhia a zar reng rengin langsar takin a zar thlu thei a. Hmeichhi erawhin a rukin a zar thlu ve thei tho bawk.




A zei vang 

‘Zei’ han tih hian, thil a ngaihna hria, min ti hlim thei, kawnghmang hria etc., hi a huam tel vekin a rin awm. Tlangvalin hmeichhia emaw, Nulain Mipa emaw chu a vawikhat hmuhna atangin hmangaih ringawt lo mahse, a hawiher leh a che vel a han en a, a mit meng leh a awm dan chuan a lung a kuai tan em em a. Chuta tang chuan, a sawi thiam loh hringnun chuan a thinlai a rawn khawih tan a, chu chuan hmangaihna a rawn siam sak thei bawk.

A hmelthat vang 

"Ka hmuh vawi khatna atangin ka hmangaih che" tia hmangaihna kawng rawn zawh chho zel a, chhungkaw hlim tak din pawh an tam ngei mai.




A hausak vang 

Hei hi chu, a tlangpui thu chuan, "hmeichhiate hian an hmang deuh bik" an ti thin a, mahse thil dik chu a ni chuang lo. Hmeichhe thenkhat hian, an hausak vangin an hmangaih ani lova, an hausak vangin an nei zawk a ni. Hmangaih leh nei tih a in ang lo. In hmangaih nazawng an in nei lova, Innei nazawng an inhmangaih chuang lo. Mipa tan pawh hmeichhe tan pawh a hausak a vang chuan, vawi leh khatah chuan hmangaihna chu a nei thei bik lo. A hausak a vangin, ui leh in ren lo em emin min kawm nel a, chuta tangin kan kawmngeih tan a, a tawp-ah chuan hmangaihna a lo piang ve mai thin bawk. A hausakna umin nei pawh nise, khua reia in hmangaih tawn em em, chhungkaw hlim tak pawh sawi tur an awm ve bawk tho.

A fel vang 

In hmangaih lawkna awm chuang lem lo. Mahse, chanchin in hre tawn zelin, inkawmngeih chung zelin, a nihna a fel zia kan han hmu tial tial a, kan hmangaih ve mai. Chu hma-ngaihna pawh chuan, Chhungkaw hlim leh inhmangaih em em nupaah a siam ve bawk. 

~Zozam Times

Post Bottom Ad