HNAM HMUSIT ZAWNGA POST SIAM - HSA PRESS RELEASE - TIMES OF MIZORAM

Breaking

Home Top Ad

Post Top Ad

HNAM HMUSIT ZAWNGA POST SIAM - HSA PRESS RELEASE

OFFICE OF THE HMAR STUDENTS' ASSOCIATION
JOINT HEADQUARTERS, AIZAWL
PRESS RELEASE
Date: 16 July, 2018

HNAM HMUSIT ZAWNGA POST SIAM AVANGIN CRIMINAL CASE FILE A NI


Hmar Students' Association(HSA),Joint Headquarters, Aizawl, chuan nizan (15 July 2018) zanlai dar 12:30 khan Hmar hnam hmusit leh deuhsawh zawnga social media a post siamtute lakah Bawngkawn Police Station-ah FIR thehlutin Criminal Case a file.

15 July, 2018(Sunday) khan heng mite pathum Maneiha Bochung, Mahmuna Chalthleng leh RL Chhanhima inti te hian Whatsapp Group hrang hrangah "Hmar ho, mi ina awm turin Aizawlah an rawn fuan teuh maia, thil ruk an hrat bakah dawt sawi an hrat khawp mai," tiin Hmar hnam hmusit zawnga thudiklo an thehdarh hi HSA chuan a ngai thiam lo hle a. Hetiang chi inthliarna leh Zofate inpumkhatna tichhe thei zawnga thu thehdarhtu te hi zawn chhuah an nih ngei theih nan leh an phutawk hremna pek an nih ngei theih nan thuneitute hnenah a thlen ta a ni.




Hmar Student
HSA hian zofate inpumkhatna turin MZP, MSU leh hnampual zirlai pawl dangte nen theih tawp chhuaha hma alak mek laia hetiang hnam anga inhmusitna leh inthliar hranna hawi zawnga post lo awm ta hi mak a tiin a dem tak zet a, tun hnuah he tiang thil hi thleng tawh lo se a duh takzet a ni.

Social Media kan hman sual/thiam loh avang hian Communal Violence a awm thei a ni tih hria in mi tinte fimkhur turin HSA, Joint Headquarters, Aizawl chuan a ngen a.





Zohnahthlak unau zawng zawng ten kan hnam, kan culture leh tawngte chawisang a vawng nung theuhin, inzahsak ila Zofate hi lungrual takin kan lengho thei ngei ang tih HSA, Joint Headquarters, Aizawl chuan a ring a, a duhthusam a ni bawk.

Hetiang a thu belhchian dawl lo leh Hnam inhmuhsitna leh Zofate inpumkhatna tichhe thei zawnga thu thehdarhtu te hi chhuichhuak a, an phu tawk hremna pe ngei turin HSA, Joint Headquarters, Aizawl chuan thuneitute a ngen a ni.

Sd/-
PK Gangte
General Secretary
HSA, Jt. Hqrs., Aizawl.

No comments:

Post a Comment

Post Bottom Ad