July 17, 2018(MSR): US leh China inkara Trade War thleng mek chu chin fel thuai a nih loh chuan International Monetery Fund (IMF) chuan, khawvel pum ecoconomy nghawngin, US$ tluklehdingawn 430 hlohna a thlen thei dawn a ni, an ti.
China chuan US-in July 6 atanga Chinese thilsiam a lakluh (import goods) dollar tluklehdingawn 34 manah chhiah (tarrifs) 25% a laksak vangin, China chuan a thungrulh nan US atanga a thil lakluh atangin July 7 atangin chhiah a lo la ve nghal vat a ni. Trump Admin chu China thiltih danah lungawi lovin, China siam bungrua an lakluh US$ tluklehdingawn 200 manah chhiah dang 10% lak leh a tum a. China mangang leh lungawilo chuan, World Trade Organization (WTO) ah complain an thehlut ta a ni.
Khawvelah China economy chu a lian chho hle a, kum khatah dollar 12.5 trillion (trillion khat hi billion sangkhat a ni) a nei a, a GDP hi 6.7% in la thang tura ngaih a ni a, mahse, Trade War vangin a chawl thei a ni. Tunah pawh China Stock Exchange chu 0.6% in a than a thu tawh a ni.
Mao Stengyang, China’s National Bureau Statistics chuan, “China economy chu a tha” a ti nain, hun lo kal tur erawh a chiang lo, a ti. US hian China atanga a thil lakluh zawng zawng man US$ tluklehdingawn 500 ah chhiah a lak sak leh chuan an tuar anga, US pawhin a tuar bawk ang. Silchar vaiho nena Mizoram buai tum a, Silchar Maruari sum lakluhna chawl thup ang deuhvin, ram pahnih hi a nghawng chho ang.
Nikum 2017 ah China atangin US in bungrua Dollar tluklehdingawn 500 a la lut a, China chuan America atangin dollar tluklehdingawn 130 man a la lut a ni.
Louis Kuijs, Head of Asia Economic@Oxford University chuan, US leh China ten trade-war chin fel thuai an tum loh chuan, ram dang-global economy pawh a nghawng chho hle ang, a ti@CT Lalrinawma
Post a Comment