Tun hnaia Lumsump Aided Higher Secondary School 9-ten Govt. Adhoc Aided-a hlankai phuta sawrkar an kar chu âwm an tihpui thu Zirlai pawl pahnihin an sawi.
Hmar Students’ Association (HSA), Sinlung Hills Joint Headquarters chuan thu thuchhuah siama sawiin, kum 14 zet khawtlangin an lo enkawl tawh Lumsump Aided Higher Secondary School-te chu mipui tan phurrit a tling takzet a ni, an ti a. School naupang 850 lai school kal thei lo leh first term exam thei lova an awm pawh pawi an tih thu sawiin, mipui leh zirlaite harsatna hi sukiang thuai tur leh a rang thei ang bera heng HSS 9-te hi Adhoc Aided-a hlang kaia naupangte pawhin an zirlai tha taka an chhunzawm thuai theih nan a rang thei bera hma la turin sawrkar an phut tih an sawi a ni.
Tuipuiral Zirlai Pawl (TZP) General Headquarters, Aizawl pawhin thuchhuah siamin, Mizoram Govt. Lump Sum Grand-in-Aid Secondary School Association te hmalakna sawrkarin chhanna a neih loh avanga zirlaite’n hun rei tak zirna an chawlhsan chu pawi an tih thu an sawi a. An member zirna chhunzawm thei lote chu sawrkarin a ngaihsak lo a nih chuan a tul anga hma lak an tum thu leh khaw 9-a zirlai intel khawm te hmalakna pawh an thlawp tlat dawn thu an szawi ve bawk.
Post a Comment