'Sensiari' tih hla larpui em emtu, kum 85 mi Laikunga Hmar chu nizan zanlai (dar 12:15) khan cancer hnehin chatuan atan a chawl ta!
Selkunga leh Lianchhiari te fapa niin, January 11, 1933 ah a piang a, pianpui unau 8 a nei.
Kum 1958, June ni 17-ah C. Tlangthanmawii nen inneiin, fa 6, mipa 3 leh hmeichhe 3 an nei a, Chaltlang, Aizawlah an cheng. A nupui hian nikum February khan chatuan ram a lo pansan tawh a ni.
Zai leh rimawi lam ngaina, mi lungleng thei tak niin, kum 1952-ah AIR, Guwahati station, Shillong-ah hla a khung tan a, heta tang hian Zofate hmelhriat a hlawh chho tan.
Kum 1958-’59 chhova St. Anthony’s college, Shillonga a zir laiin a thiante nen -Sensiari boys- intiin 'sensiari' tih hla hi an lar chhohpui hle.
Kum 1994-ah audio album -sensiari- a tichhuak a. Kum 1996-ah krismas album -Laikunga leh a fate- tih a tichhuak leh bawk. - Zozam Times
Post a Comment