Hranghlui zaithiam Laikunga Hmar a boral - TIMES OF MIZORAM

6 Jul 2018

Hranghlui zaithiam Laikunga Hmar a boral

Pu Laikunga Hmar (Hranghlui zaithiam) Kum 86, Pi C. Tlângthawnmawii(L) pasal, Châltlâng Bethel chu cancer natna rei tak a vei hnu ah nizan 6.7.2018 (Zirtawpni) dâr 12:15 am khân a boral a. Vawiin chawhnu dâr 1:00PM hian vui a ni ang.

Pu Laikunga hian fapa 2 leh fanu 3 leh tu engemawzah a kal san. A fate zingah zaithiam Lalbiakmawia leh Lalduhawmi Radio Artiste ve ve an awm a. A fapa zingah Presbyterian kohhran Upa H Lalfakzuala, Synod Choir member lo ni tawh leh Musician ni bawk a tel.

Pu Laikunga hi Mizo mipa zaithiam zinga Radio Artiste Grade A hmasa ber niin ama rual hian Vanhlupuii, Thanthuami leh Siampuii Sailo te anni, tin, anni hnu ah hian Vanlalruati ani leh a, Pi Ruati hnu ah Lalsangzuali Sailo ani leh a, a hnu leh ah Rualthankhuma, Laltlanthangi Pachuau leh C. Vansanga te 1994 ah anni veleh a ni. Radio ah hla chi hrang 100 chuang a khung tawh a, a hla lar zingah 'Sensiari' 'Ka bang tawh ang' etc Pu C. Lalkhawliana phuah a tel.





A lar vanglaiin Culcutta a Billy Graham teamte rawngbawlna atangin a piangthar ta a, lengzem lam hla a sa duh ta lo a, a record sa pawh tihreh a dil a, hei erawh Radio in an phal sak ta lo anih kha. Gospel album pakhat a siam a, a fate 3 nen Gospel album pakhat an siam bawk
2016 kum tirah a nupui Pi Tlangthanmawii'n a boral san atangin dam mumal tak tak nei lovin, phai lamahte entir nimahse tun hi a thleng ta a ni.

Kan zaithiam lar hmasa ten mual min liamsan zel mai a zofa zaimi te tan chuan channa nasa tak a ni.

MZI Gen Hqrs buatsaih in a thlah nan zaimi ten Pangpar leh hla an hlan dawn a ni.

MSR Admin te chuan a kalsan tak a tu leh fate Lalpa'n thlamuan in a awmpui ang tih kan ring tlat a ni. ~ David Z Hmar

No comments:

Post a Comment

Post Bottom Ad