Sangau khawtlangin an harsatna leh mamawhte thlen - TIMES OF MIZORAM

Breaking

Home Top Ad

Post Top Ad

Sangau khawtlangin an harsatna leh mamawhte thlen

mizo nula chheloMizoram Gazette a tihchhuah anih hnu Kum 20 dawn aral tawh hnu pawha Sangau khua a SDO (C) ataka dah anih loh avangin Sangau Joint Action Committee hruaitute chuan Mizoram Sorkar thuneitute hnenah an harsatna leh mamawhte an thlen nawn leh a,  Sangau Joint Action Committee Chairman Pu F.Lalhulha (YLA Founder) chuan Sangau khawtlang aiawha Sorkar dawrtute hi hovin Sangau a khawtlang hruaitu VCP 4 Sangau Joint Action Committee Secretary ten an tawiawm a.

Sorkar lama hmalatu GAD deptt. chuan SDO (C) Sangau office bul tanna atana tunhnaia post 3 a siam thar chungchangah lawmthu sawiin SDO (C) pawh arang lama atak ngei a athut theihna atana hmalak chhunzawm sak zel turin Sorkar thuneitute hi an ngen a. Tun dinhmun ah Sangau a SDO (C) Office leh Quarter te hi BRTF labor leh Sangau Tualchhung mi ten an luah mek a ni.

Sangau khawtlang hruaitute chuan Sangau a SBI branch hawnsak turin SBI hotute an dawr nghal bawk a, Blue Mountain Higher Secondary School Sangau (Public School) chu sorkar in dinhmun tha zawka ding thei tura tanpui tura hmalaksak turin an ngen bawk a ni. 

Sangau Joint Action Committee hruaitute hian Sangau leh a chhehvel mipui 20,000 chuangin an inhman tawm mek Sangau BSNL Mobile service tha lo lutuk leh kum 20 dawn BSNL Mobile service Sangau a kalpui anih hnu pawha tun thlenga 2G service chauh mipuite tana an pe chhuak chu duhkhawp lovin service tha zawk pe a 3G service pe chhuak ve thuai turin BSNL General Manager chu a office ah hmuin an ngen nghal bawk. - AIR News Aizawl

Post Bottom Ad