Lengpui Airport : NEDP hnuaia Lengpui Airport leh a chhehvel thuam mawina tur "Beautification of Lengpui Airport-Aizawl" project hnuaiah Tourism Department leh NSS Cell, Mizoram tangkawp chuan vawiin khan Sihhmui leh Lengpui Airport inkar kawngpui sir ah Saron kung 300 an phun a, NSS hian a phun leh enkawlzui hna an tum ang a, Tourism Department in a enkawlna senso an tum thung dawn a ni.

LENGPUI AIRPORT BEAUTIFICATION


Tourism Department Secy Pi Esther Lal Ruatkimi chuan Mizoram kawngpui pawimawh leh lun ber pakhat "Sihhmui-Lengpui Airport Road" chu mawi tak leh nalh taka chei a, zin veivakte tan pawh a hmuh nuam leh manhla taka siam hi he thingphun hian a tum ber pakhat a ni a ti.

Thingphun leh enkawlzui hna thawk turin Aizawl khawchhunga zirna in hrang hrang a NSS Unit 10 - Pachhunga University College, Govt. Hrangbana College, Govt. Aizawl College, Govt. Zirtiri Residential Science College, Govt. Aizawl North College, Govt. Mizo Higher Secondary School, Mizoram Institute of Comprehensive Education (MICE), Govt. K.M. Higher Secondary School, Synod Higher Secondary School leh Govt. J.L. Higher Secondary School- te ruat an ni. -AIR News Aizawl

June ni 30 pawh khan he project hnuaiah leh SAGY (MP Model Village) hmalakna hnuaiah Lengte peng atanga Lengpui Airport thleng YMA Branch, Lengpui ten Saron kung 100 an lo phawn tawh bawk a ni. -AIR News Aizawl

Post a Comment

Powered by Blogger.