MHIP DAY 2018 LAWMNA - Mizo Hmeichhe Insuihkhawm Pawl - TIMES OF MIZORAM

Breaking

Home Top Ad

Post Top Ad

MHIP DAY 2018 LAWMNA - Mizo Hmeichhe Insuihkhawm Pawl

Vawiin hi Mizo Hmeichhe Insuihkhawm Pawl Ni (MHIP DAY) vawi 44-na a ni a, Mizoram chhung Branch hmun hrang hrangah lawm a ni. MHIP Day lawmna hi MHIP general headquarters hruaitute'n hmun hrang hranga an hmanpui a, state hruaitute pawhin hmun thenkhatah an hmanpui a ni.
Mizo Hmeichhe Insuihkhawm Pawl

MHIP Day-ah hian branch tam tak chuan intihhlimna hun an hmang a, intihsiakna an buatsaih bakah, midang tanpuina atana hmangte pawh an awm. MHIP Day pual hian MHIP President Pi Saipuii'n thuchah sawiin, MHIP Day chu Mizo Hmeichhia te tan a Ni pawimawh tak a ni a, Mizoram sorkarin chawlh atana a puansak hial a ni a ti. 

MHIP President chuan MHIP in fahrah enkawlna a neih Hmangaihte Run a awmte hmangaih tak a lo tanpui thin tute - MHIP branch te, pawl hrang hrang leh mimal thilpek pe tute chungah pawh lawmthu a sawi a. MHIP kumpuan ‘Hmeichhiate leh Naupangte hmasawnna leh himna atan nasa taka tan lak’ tih a nih thu sawiin, hemi kawngah hian nasa takin MHIP General Headquarters te chuan hma an lak thu a sawi a, a pawimawh zia leh hmeichhia leh naupangte an him tawh loh zia hriain Branch tin te tan la sauh sauh turin a chah a ni. 

MHIP President Pi Saipuii chuan hmeichhia leh naupang harsatna tawk tanpui ngaite General Headquarter ah lo tlulut an awmin theihtawp chhuahin Headquarters chuan a lo tanpuiin hma a lo lakpui thin tih a sawi a, hetianga tanpui mamawh te tan hian MHIP Gen. Hqrs. chu a in hawng reng a ni, a ti bawk. Vawiin MHIP Day-ah hian MHIP ten an thuvawn ‘Mite tanpui’ a ni tih hrerengin MHIP member zawng zawng ten a theih ang angin mite tanpuiin midangte tan malsawmna nih tum theuh turin MHIP member zawng zawng te a chah a ni.
MHIP Day hi vawiin khan ITI ah- a Synod Conference Centre ah Bialtu MLA Lt.Col.ZS Zualan a hmanpui a, nu te pawimawhna chungchang a sawi. - AIR News Aizawl

No comments:

Post a Comment

Post Bottom Ad