KAOCHAO 'E'-AH THEIHAI KUT ROPUI TAKA HMAN A NI
![MANGO FESTIVAL MANGO FESTIVAL](https://blogger.googleusercontent.com/img/b/R29vZ2xl/AVvXsEicANr5BL8-5T91GCyuNK_xY6QfLSUFA3K1rF3OmLRRD3oewhfLUMw9GdlVMrOXiANqLLZF9GnrFJGP-Vw2edAn1-DJc3NUN-5_lDXu9gbVccDHZ4k-UDtkT6Jz2eIs2C0zB1ZudKRwgXT5/s320/theihai+kut.jpeg)
He Theihai kut lawmna hun hi M. Beiratlua, AMFU Kaochao East chuan kaihruaiin, Pu KH. Beihlô, EM(Agri & Horti), MADC chu khuallian a ni.
Khuallian Pu KH. Beihlô chuan thu sawiin, vawiin nia Mango Festival Kaochao 'E' khua a kan hmang theih hi ka lawm em em a. vawiina kan hun hman theihna chhan ber pawh nangmahni Theihai chingtute vang liau liau a ni tiin, kan rin Pathian thu pawhin thlan tla zawih zawiha hnathawka ei hmuh turin min tih a. Chuvangin tunah hian hlawhtling viau tawhah inngailoh ula, bul intan chauh a nih tih hi rilruah vawng reng u la, kan Pathian ina thawkrim tura min duh angin, tun aia nasa lehzuala thawkrim zual sauh turin duhsakna ka hlan a che u tiin, Theihai chingtu kalkhawmte chu a chah hlawm a ni.
Pu C.H.Lalmuanpuia, DHO, Siaha in Report peiin, Kaochao 'E' khua hi Siaha district kawtchhuah Chhimtuipui(Beinô)kama awm a ni a. A awmna lai hi Kaochao luiin Beinô a finna laia awm a ni avangin Kaochao khua hming hi a putphah ta a ni. Kaochao 'E' khuaah hian chhungkaw 237 awmin, mihring 1638 an cheng mek a, Village Council 2 awmin, Kaochao 'E'-I& II te an ni.
MANGO FESTIVAL SAIHA MIZORAM
Kaochao theihai hi *Rangkuai* ti a hriat larh a ni thin a. A chi hi Myanmar atanga lakluh a ni. Horticulture Depart ment, Director leh officers' meeting chuan Rangkuai ti a koh tawh lovin *Kawlchawhai/Kaochaohai* ti a koh tawh turin hun rei tak kal tawhah khan an rel a. Tunah chuan *Kawlchawhai/Kaochaohai* ti a hriat lar a ni tawh zawk a ni.
![MANGO FESTIVAL SAIHA MIZORAM MANGO FESTIVAL SAIHA MIZORAM](https://blogger.googleusercontent.com/img/b/R29vZ2xl/AVvXsEhlAmXm-9lPtWMb4ttJBcQhHEDf2ExL_w2BPqb1MEeeu-m1C4m5Xn4wvLkpNveUpxxYGH7MbjyvjNSgi2kIgoonaOW27OQqCQmYbAgMl1_2cUIUDmlpWGhNRUtj4JdKfUf59f915tp5AYYT/s320/posts-27218-whatsapp-image-2018-07-20-at-61520-pm.jpeg)
Tunah hian kawlchawhai kung 32,608 phun tawh a ni. Kum 1984-2010 chhunga Thaihai tharchhuah zat leh sum lakluh hi record mumal tak an lo neih lo va.Kum 2011 atang erawh chuan mulmal taka Tharchhuah zat leh sum lakluh hi record a ni tawh a ni. kum 2011 atanga tun thlenga an tharchhuah leh sum lakluh report, Kawlchawhai chingtute leh VC hovin Horticulture Dept a thehluh dan chuan 1,38,391 quintal tharchhuak tawhin, Rs 82,48,250/- an la lut tawh a ni.
kum 2011 atang khan Siaha Horticulture Division te hmalakna in Leitha, damdawi bakah a lawhna tur hmanrua plastic crates etc. te pein, Theihai chingtu te hnenah hlawkzawk a Theihai an tharchhuah theih nan Training te an pe thin bawk a ni.
Vawiin programme-ah hian Kaochao east khuaa Theihai chingtu hlawhtlingte hnenah khuallian Pu KH. Beihlô chuan lawmman semna hun hmang nghalin, kum 2016 - 2017 chhungah Theihai chingtute zinga hlawhtling ber chu Pu HC. Laikhai niin, 40MT lai thar chhuakin, Rs. 3.50 lakh a lalut a, Pahnihna Pu J. Sachhua chuan 37.5MT lai thar chhuak vehin, Rs.2.75 lakh lai a lalut bawk. A Pathumna Pu K. Biaklawma chuan 30.5 MT tharin, Rs. 2.50 lakh a lalut ve bawk a ni.
Vawiin kaochaohai(Kawlchawwhai) kut lawmnaah hian Siaha District a Department hrang hrang atanga sawm bikte, MADC a officer leh staff te, Chanchinthar thehdarhtute bakah Tlawmgngai pawl hrang hrang hruaituten he kut hi an chhim a ni.
Vawiin Festival puala inkhawm hi Lawmthu sawina in Pu.C.Ramrela, CHO, Siaha in a khar ta a ni.
Post a Comment