Zaithiam Melody Lalsawithangi kan chan ta - TIMES OF MIZORAM

Breaking

Home Top Ad

Post Top Ad

Zaithiam Melody Lalsawithangi kan chan ta

Youth Icon star Melody Lalsawithangi chu Ningani zan dar 10:30 vel khan Presbyterian Hospital, Durtlang-ah kum 28 mi niin a boral a, nimin khan an veng Ṭhuampuiah vui liam a ni.   

Melody-i hian a taksa lamah harsatna a tawk a, hun eng emaw chen enkawl a ni. A lung leh kal (Kidney) a function ṭha lo a, mitliamin atlak buak bawk. Internal Bleeding a awm bawk avangin ICU-ah dahluh a ni a, thisen pawh unit eng emaw zat pek a ni. 

Investigation hrang hrang tih a ni a, mahse a dinhmun hian hniam lam a pan zel avangin chhan theih a ni ta lo a ni. 

Melody Lalsawithangi hi kum 2012 khan Youth Icon-ah telin pathumna a ni. Music video pawh eng emaw zat a lo siam tawh a, chung zingah chuan- Zantin lo leng rawh, Thinlai luahtu, Biangno hmeltha, Nang ngaih lunglen, Lung Di, Lo kir leh rawh, Ka rem tawh lo leh Ka chan hi tihte chu a lar zual an ni.

-Vanglaini

No comments:

Post a Comment

Post Bottom Ad