map of mizoramJoint Students' Union chuan vawiin khan meeting neiin Mizoram Govt. Lumpsum Aided Higher Secondary School, Adhoc Grant-in-Aid a hlankai phutna vanga khaw Pakuaa Sawrkar Office, Zirna In zawng zawng khar leh Kawng Dan neih mek nizana chawlh lailawk rih chu Thawhtanni hian chhunzawm leh turin a rel.

Heng khua Sakawrdai, Farkawn, W.Phaileng, Zawlnuam, E.Lungdar, N.E Khawdungsei, Phullen, Zobawk, Thingsulthliah ah te hian Sawrkar Office, Zirna In zawng zawng khar leh Kawng Dan zing Dar 6 atangin tiam chin awm lova neih chhunzawm leh an rel a. Heng khaw hrang hrang paltlanga zin veivakten lo hriatsak a, an hmalakna thlawpa zawm sak turin a ngen bawk a ni. Hetihrual hian Education Dapartment lam atanga thu chhuakah Higher din phalna dan (Rules of 2006) tih chuan tuna Adhoc Grant-in-Aid hlankai phuta nuar mekte chu a huam pha lo ni a sawiin, heng Higher School Pakuate hi kum-2006 hmaa din vek an ni tih hriat ni se an ti.




Joint Students' Union hian vawiin khan thuchhuah siamin, mipuite thlawpna ti hniam thei zawng leh heng khaw hrang hrangte thawhhona ti chhe thei zawnga thu lo chhuah leh Joint Students' Union information, lo phuah belha information diklo lo siam thin an awm thu hriat a nih thu a sawi a, hei hi Joint SU chuan pawi a ti takzet a, hemi kawngah hian Joint SU atanga thu chhuak a ni loh chuan thu tak hla taka lo la lo turin mipuite a ngen nghal bawk a ni, an ti.

Joint STudents' Union chuan an hmalakna-a Sawrkar Office, Zirna In zawng zawng khar leh Kawng Dan hian awmzia a neihloh a nih chuan aia nasa zawka hmalak an tum tih an sawi bawk a ni. - AIR Aizawl

Post a comment

Powered by Blogger.