TRUMP ADMIN HNUAIAH US ECONOMY A THANG UAK UAK : GDP 4.1% A NI TA, ANNUAL GDP 5.3% THLENG TURA RING AN AWM BAWK
July 27, 2018(MSR): Vawiinah US Commerce Dept chuan US Economy than dan tichhuakin, GDP chu 4.1% zetin Annual rate in the second quarter-in a thangchho, an ti. President Donald Trump pawhin chhuang takin, vawiinah South Lawn of White House-ah he thu hi puangin, “Great GDP number just released” tiin, lawmawm a ti hle.
Donald Trump-an “Fake News” a tih thin mai thin CNN meuh pawhin, “Trump’s right: The economy is doing well and he deserved some credit” tiin, an fak ve hial mai! (“Trump chu a dik e: Economy a kal tluang tha hle a, thenkhatah chuan fak leh chawimawi a phu a ni” tiin)
Quinnicpiac University Poll chu July 18-23 ah neih niin, mipui tam takin President Donald Trump chu “ foreign policy “ ah a chak lovin, America a tithang tlawm deuhva, mahse, ram chhung economy siam that kawngah chuan a tha a ni, titu 49% zet an awm thung a ni.
Hetianga economya siam that chhoh theih chuan, kum 2020 inthlan hunah pawh a tlin chhoh an ring viau mai.
Vawiina US Economy thanna an puan 4.1% hi thenkhat chuan Annual GDP hi 5.3% a tlin chhoh hial an ring a, President Donald Trump chuan, “4.1% pawh lawmawm tawh tak a ni” a ti. Kum 2014 hnua US Economy that chak ber tum a ni.
US Economy hi kum 2005 -a President George W. Bush hunah 3.3% in a pung chhova, President Barack Obama hunah 2.9% in a pung chhova, tun tum hi 2014 hnua a than nasat ber (fastest since 2014) tih a ni. Trump Admin hian “Pro-Growth Policies” neiin, hma a la chho a ni.
Bloomberg Survey chuan GDP thanna tur hi 4.2% niin a ring thung. Michael Feroli, Chief US Economist, JP Morgan Chase & Co., chuan, “The economy is doing quite well” tiin, US economy tha chho chu a fak bawk.
Hetih lai hian US Farmers te chu US-China Trade War vangin an tawrhna te chhawmdawl nan Trump Admin chuan US$ tluklehdingawn 12 zet a theh chhuak a ni. Hei hian Bekang leh Vawksa thawn chhuaktute a tanpui hlein a rinawm.
US leh EU inkara Trade War thleng mek pawh EU Commission President Jean Claude Juncker chuan President Trump hi US ah kawmin, chhiah (tarrifs) lak chungchangah tlem zawka lak dan turah, inbiakna neih that an remti dun ta bawk.
Kuminah President Trump-an Russian President Putin-a White House zin a a sawmna chu sawiselna a nasat avangin, kuminah chuan Trumputin Summit, vawi2na hi neih a ni dawn lo tih, John Bolton, National Security Adviser chuan Nilaini khan a puang a, “Mueller investigation zo phawt se, he Mueller witch-hunt vang a ni e” a ti. Kum 2019 kum tir lamah an inbe leh zawk dawn a ni. President Vladimir Putin pawhin Washington zina sawmna a pawm tawh nain, Donald Trump chu Moscow zinah a sawm let ve bawk a ni. ~CT Lalrinawma
Post a Comment