MIZORAM POLICE THUCHHUAH: BANK KIOSKS CHUNGCHANGA MIPUITE FIMKHUR TURA HRIATTIRNA - TIMES OF MIZORAM

24 Jul 2018

MIZORAM POLICE THUCHHUAH: BANK KIOSKS CHUNGCHANGA MIPUITE FIMKHUR TURA HRIATTIRNA

MIZORAM POLICE THUCHHUAHTunlai hian misualten in bum dan an hmuchhuak thar zela, hmasawnna leh dik pangngai anga lang, hriat hran harsatak siin mipui hriatna nei tlem zawkte leh fimkhur tawklo ten bum an tawk chho mek zel a ni. Heng zinga thil thar pakhat chu Bank Kiosks hmanga inbumna hi a ni.





Bank Kiosks awmzia chu mipui/customer in Bank kal kher lova mahni hmun emaw remchanna zawka bank an lo dawr theihna tura bank in Facilities an pekchhuah thin hi a ni. Entirnan- Pawisa dah luh, pawisa lakchhuah (ATM), Bank account hawn, pawisa transfer, hun tiam chhung atana pawisa fixed a dah etc. Hemi atan hian Bank te hian mipui dawr turin dan phal chhungah NBFC te, Non-Governmental Organization te, Mimal leh Pawl tute emaw inremsiamna fel tak siamin thawhpui an nei thin.





Bank te hriatpuina/inzawmna nei si lovin a hnuaia tarlan, Bank Kiosks lem leh rintlakloh inbumna hmang heng website/entities te hian tunhnaiah mipuite bank form fill-up tirin pawisa te an dahluh tir thin a, mipui an bum chho mek a ni. Hming dang pawh in kan In kailawn thlengin anla rawn chhuak zel thei tih hria ila. Heng inbumna laka kan him theihnan mipuite fimkhur turin kan inchah in, thil rinhlelhawm leh mahnia finfiah theihloh chu dai mai lovin Bank-ah emaw Police ah finfiah hmasak phawt zel hi himna a ni.

digitalcsp.in, cspbankonline.com (CSP Bank Online India Pvt Ltd), sbisave.com (Save Solution Pvt Ltd) based in Bengaluru, West Bengal and Mumbai.

Hetiang chungchanga finfiahna/information kan neih chuan S.P CID (Crime) Mizoram contact No. 0389-2334082/2335250 ah hriattir nise.  -DIPR

No comments:

Post a Comment

Post Bottom Ad