MIZORAM SCHOLARSHIP TUN THLA CHHUNGA THUN FEL HMAN BEISEI A NI : MSU

CHI LEH CHI INTHLIAR HRANNA AWM LO SE KAN TI; SCHO' TUN THLA CHHUNGA THUN FEL HMAN BEISEI A NI : MSU

Dt.19th July 2018 : Mizo Students' Union (MSU) General Headquarters: Aizawl chuan tunhnaia chi leh chi inthliar hranna lam hawi leh Zofate kan inpumkhatna ti chhe thei zawnga Social Media lama thuziak hmuh tur a awm chu pawi a ti a,hetiang ti thin te hi MSU chuan a dem tak zet a ni. 

Zofa hnam hrang hrangte kan inpumkhatna ti chhe thei zawnga che tawh lo tur leh Social Media lamah te thuziak leh inhmuhsitna lam hawi ti tawh lo turin MSU chuan Mizo mipuite a sawmin a ngen a, Zofa hnam hrang hrang ten inunauna tha lehzual kan neih deuh deuh theih nana mahni phak tawkah theuh hma la theuh turin MSU chuan Mizo mipuite a sawm bawk a ni.

Mizoram Scholarship Board in Post Matric Tribal Scholarship sem mek chu July 2018 chhunga sem zawh an tum thu Mizoram Scholarship Board chuan MSU hruaitute an hrilh a, Zirlai ten an chanvo an hmuh vat theih nana hmala turin MSU chuan Mizoram Scholarship Board a ngen nawn leh bawk a ni.