MZP VEHBUR KHAWN - ZOFATE CHAWLHBUK - TIMES OF MIZORAM

Breaking

Home Top Ad

Post Top Ad

MZP VEHBUR KHAWN - ZOFATE CHAWLHBUK

Zofate Chawlhbuk MZP te’n sak an tumna a, thilbo leh chhia rulhletna tur Vehbur khawn khuhhawnna vawiin khan Aizawlah neih a ni. 

Khuhhawnna neih zawh hian Khatla,Sikulpuikawn, Kulikawn leh Ngaizel lamah te Venbur khawnin, MZP hruaitute leh zirlai engemaw zat an thawk chhuak a ni.

MZP President L. Ramdinliana Renthlei chuan, Zofate Chawlhbuk sak na bungrua kha MZP bungrua chauh a ni lo a, Zofate Chawlhbuk sak a mi tlawmngai hnatlang bungraw thahnem tak a tel a ni, a ti a. Bairabi YMA bungrua te, Bairabi MHIP bungrua te a kangral vek a, MZP chuan a rulhna tur a nei si lo a, an compensation chhut danah sawisel neuh neuh a awm tih an hria a, kha compensation kha draft a ni a, hmanhmawh taka thehlut tura sorkar in a tih angin thehluh a ni a, tih dik tawk loh leh felfai lo deuh a lo awm pawh a ni mai thei a ti a, amaherawhchu an chhut ai hian a tam zawk a ni, a ti. MZP chu a dinna ngaihah a la ding reng a, ram humhalh nana Zofate Chawlhbuk sak a la tum reng a, ramri chungchangah nasa lehzualin hmaan la chhunzawm zel dawn a ti.





MSU Gen Secy Lalthanzuala chuan MZP hmalakna chu an thlawp tlat tih a sawi a, zirlai pawl ten hetianga hun an hman a ngai ta mai chu a lungchhiatthlak a ni a ti a, ramri chungchanga MZP hmalakna chu a tha an ti a, MZP te’n Zofate chawlhbuk sak an tum naa hliam leh thilbo leh chhia tam tak chu hmuh let beisei vang ni lovin, Mizoram Sorkarin pek let a tum vang zawka senso zawng zawng list thehlut tur a tih avanga thehlut mai an ni a, damdawiin bill te leh an motor chhia avangin MZP in ba tam tak a nei phah tih MSU chuan a hriatpui a ti.
JAC Chairman Pu Ngurbiakvela chuan, dan bawchhe zawk Assam Police te vangin zirlai pawisawi lo leh tlawmngai a thawkchhuak Mizo Thalai tamtakin hliam nasa tak an tuar hi JAC chuan a dem nawn leh a ni a ti a. Thalaite tawrhna leh thisen kha suma rulh let theih a ni lova, MZP te hmalak naa Assam mi leh sa leh company hnena Vehbur a khawn hi JAC chuan a thlawp tlat dawn a ni, a ti.





MZP meeting in a lo rel tawh angin Vehbur hi Mizo mipuite bakah Mizoram chhunga Private Bank,Supply Company, Kawngsiam Company, Cement Company leh Tele-Communication Network Company zawng zawng te hnenah khawn tur a ni a, Aizawl khawpui chhunga vehbur khawna nih rual hian Mizoram hmun hrang hrangah MZP Headquarters, Sub-headquarter leh branch-ah te pawh khawn vek a ni. - PR

Post Bottom Ad