Forbes World Highest-Paid Celebrity 2018 Film star sum lalut hnem ber - George Clooney Reality star zingah Kylie Jenner a chungnung


Khawvel huapa magazine lar Forbes chuan June 2017 - June 2018 chhunga milar sum lalut hnem zual an tarlang leh ta. American actor George Clooney chu film star zinga sum lalut hnem ber niin, reality star zinga sum lalut hnem ber chu Kylie Jenner a ni. 





George Clooney
George Clooney
Hetih lai hian boxer Floyd Mayweather chu kum khat chhunga sum thawk chhuak hnem ber niin, $mtd 285 zet a lalut a ni. 

George Clooney a ropui

Hollywood super star George Clooney chu film industry huang aá¹­anga sum thawk chhuak hnem ber niin, $mtd 239 zet a thawk chhuak. Kum 57 mi George hian film industry bakah hian, a sumdawnna leh thil dang aá¹­angin sum a thawk chhuak hnem hle a, a pumpuiah pawh pahnihna a hauh phak hial. 

Film lama chawimawina sang Golden Globe Award á¹­um thum leh Academy Award á¹­um hnih dawng tawh a ni a, mi bik a nih zia a chiang hle. A kum tam ve deuh tawh mahse zaithiam lar tak tak leh infiam mi tam takin an la tluk chuang lo a ni. 

He tih lai hian WWE superstar hlui Dwayne ‘The Rock’ Johnson chu film channa bik aá¹­anga sum lakluh tam lahah chuan George Clooney hian a tluk lo thung. America actor The Rock hian kum khat chhungin $mtd 124 zet a lalut a, film channa bik aá¹­anga teh chuan sum lalut hnem ber a ni. 





'Jumanji: Welcome to the Jungle' star The Rock hi nikum khan 22-na a ni phak chauh a, tun á¹­umah erawh George Clooney khumin sum lalut hnem ber a ni. Hetih rual hian The Rock hi a pumpuiah pawh pangana a ni phak a, film khawvela a hlawhtlinna sawi nep theih a ni lo. 

Billionaire = Kylie Jenner

Kylie JennerAmerican television star Kylie Jenner hi kum 20 mi chauh a la ni a, mahse billionaire a ni der tawh! Forbes magazine chuan Kylie Jenner hausakna hi $mtd 900 zet niin a chhut a, US khua leh tui zinga billionaire ni thei naupang ber a ni.

Kylie hian nikum June - kumin June thla inkarah ringawt pawh $mtd 166.5 zet a thawk chhuak hman a, milar sum lalut tam zual top 3-ah a lang. A sum lakluh tam zawk hi chu a sumdawnna aá¹­angin a ni a, reality show-a a inlan aá¹­angin sum eng emaw zat a hui bawk. 

Kylie Jenner hi kum 10 mi lek a nih aá¹­angin reality show-ah a inlan á¹­an a, kum 2015 khan American television series lar 'Keeping Up with the Kardashians'-ah a inlan zui bawk. Tunah chuan reality show lam a buaipui ta meuh lo zawk a, ama puala a din 'Kylie Cosmetics' lamah a insawr bing a ni.   





Top 10

American lawyer lar Judy Sheindlin chu sum lalut tam palina a ni a, a sum lakluh hi $mtd 147 zet a tling.  Kum 1976 daih tawha din Irish rock band lar U2 chuan kum khat chhungin $mtd 118 zet an la lalut hem mai a, top 10-ah an lang. Footballer lar Lionel Messi meuh pawhin U2 hi a la phak lo a, $mtd 111 thawk chhuakin pariatna a ni. 

English singer Ed Sheeran chuan $mtd 110 thawk chuakin sum lalut hnem zual zingah a lang a, footballer Cristiano Ronaldo chu top 10-ah a lang ve bawk. 

Khawnge Taylor Swift?

Taylor Swift ropui zia kan sawi á¹­hin a, chu tih rual chuan sum lakluh kawngah chuan tluk loh a la nei nual mai. American singer hian kum khat chhungin $mtd 80 a thawk chuak a, list-ah hian 21-na a ni. Taylor hi zaithiam zingah chuan mimala sum lalut hnem ber pawl a ni tho a, tour a neih mek bawk avangin a sum lakluh hi a pung thur thur a nih pawhin a mak lo ang. 

Hetih lai hian Bruno Mars pawh top 10-a langpha lo zingah a tel a, $mtd 100 lai chu a lalut tho a ni. Katy Perry chuan $mtd 83 zet lalutin, a pumpuiah 19-na a hauh phak bawk. 





Milar sum lalut hnem zual Top 10

1. Floyd Mayweather - $mtd 285

2. George Clooney - $mtd 239

3. Kylie Jenner - $mtd 166.5

4. Judy Sheindlin - $mtd 147 

5. Dwayne Johnson - $mtd 124

6. U2 - $mtd 118

7. Coldplay - $mtd 115.5

8. Lionel Messi - $mtd 111

9. Ed Sheeran - $mtd 110

10. Cristiano Ronaldo - $mtd 108

Source: Vanglaini

Post a Comment

Powered by Blogger.