Central YMA leh Myanmar NGO UCYN ten tun hnaia Ruihhlo Do tura thawhhona thuthlung (MoU) an siamah Myanmar lam mi, ruihhlo avanga Mizoram lama man ngai an awm a nih chuan Mizoram lamah Dan hmanga na taka hrem tur leh Mizoram lam mi Myanmar ram lama ruihhlo avanga an man chuan na takin Myanmar ram dan hmanga hrem tura hmalak ni se an tih angin, tun hnaiah Myanmar Police leh Sipai ten Mizoram lam mi pali (4) an man.
Ni 14 khan Aizawl mi nia insawi pakhat chu Heroin hawng 1 nen Khawmawi, Myanmar-ah man a ni a. July ni 15 khan Chhinga Veng inti mipa leh hmeichhia 1 chu hawng 1 ve ve nen Khawmawi ah bawk man leh an ni a, hemi zan vek hian Zokhawthar mi inti mipa 1 chu hawng 1 nen an man leh bawk. Heng Mizoram lam mi an mante hi Falam, Chin State, Myanmar lamah an chungthu rel tura hruai an ni tawh ni a thu dawn a ni.
CYMA te hian thlahlui ni 27 khan Central YMA President hovin Mizoram Ruihhlo rawn thawn lut nasa khua Khawmawi, Myanmar-ah kal chilhin, an VC te leh Rih-Lentlang Youth Association te puihna in koh khawm an ni a. Mizoramin a tawrh nasat zia te hrilh hriat niin tun hnuah chuan Mizoram lama ruihhlo rawn tawlh lut tawh lo turin khawngaih an han ngen tawh a. Khawmawi lam khawtlang hruaitute oawhin ruihhlo a sumdawng tawh lo tura in ngen nan khaw pum huap Public Meeting an nei tawh bawk a ni.
(AIR CORR)
Post a Comment