World Vision India Chhimtuipui Area - Latest News - TIMES OF MIZORAM

20 Jul 2018

World Vision India Chhimtuipui Area - Latest News

World Vision India Chhimtuipui Area Programme leh Lawngtlai District Child Protection Unit te tang kawp huaihawtin Central YLA Hall, Lawngtlaiah naupang khuaikhem a bo theih nana district pum huap beihpui thlak hawnna nimin khan buatsaih a ni a. AH & Vety Minister Pu C. Ngunlianchungan a hmanpui.





World Vision India chuan India rama hur sualna kawnga naupang khuaikhem tibo turin beihpui a thlak mek a. Kum 2021 ral hmaa ram pum tuam chhuah hman tumin, Mizoramah pawh he hma lakna hi kalpui a ni a. Naupang kum 18 hnuai lam maktaduai 10 zette himna turin India ram district 200 huam chhunga khawpui leh thingtlang khaw 7000-ah campaign hi neih tum niin, Mizoram tiamin state 15-ah campaign hi neih tawh a ni. State Level Consultation and Launching programme chu July ni 11-12, 2018 khan Aizawlah neih niin, hemi bawhzuina kal zelah hian district level campaign pawh hi buatsaih a ni.





Child Welfare Committee (CWC) Lawngtlai Chairperson Pu HL Rinawma chuan kum tin naupang laka hleilenna leh hursualna kawnga khuaikhem report a pun tial tial thu a sawi a, Lawngtlai district chhunga case awm tawh 318 zinga 28 chu hursualna kawnga khuaikhem tuar an nih thu a sawi a. A bika humhim leh enkawl ngai naupangte tana District Chlid Protection Unit-in service a pek theih hrang hrang bakah, naupang himna kawnga an hna thawh hrang hrang leh Lawngtlai District dinhmun tlangpui a tarlang a ni.

(AIR CORR)

No comments:

Post a Comment

Post Bottom Ad