A MISA HI
Mizo te hi vawksa duh tak hnam kan ni a,sa dang tui deuh kan ei pawh in a tui zawng teh nan `a tui hlemai vawksa a ang khawpmai' tih te kan hmang fo a, vawksa a 'misa' kan tih hi mizo țawng pianpui ang hial in mi tam zawk chuan kan hmang a, a lo chhuah na hria hi kan tlem hle in a rinawm.

Emergency an puan hian Maintenance of Internal Security Act (MISA) tih chu an hmang a, he dan hmang hian sawrkar kalh zawng a thu vawrh darh leh sawrkar duh loh zawng ti te chu jail ah an khung nghal zel a, Emergency chuan Mizoram pawh a nghawng na hle a, sa man te pawh a hma aia tlawmin a rate an siam a, sa sat tu te chuan sawrkar rate a an zawrh loh chuan jail a luh mai an hlauh vang in chawibelh lek lek in sa an sat țhin a, chutiang reng a sa zawrh chu ni thei in an hre lo a, sawrkar rate palzut silo in a sa chhe lai a lu te, a ke te a ruhkawl lian deuh te chu sat sawm in sa țha lai ah chuan an tel ta zel a.
Sa lei tu te chuan han sawisel duh țhin mahse 'Maintenance of Internal Security Act (MISA) vang a lei tel ngei ngei ngai a nihkha' an ti liam puat a, an hralh zo vek a rate tlawm zawk a an zawrh pawh in chawibelh loin sa chu an sat ta țhin a ni.
Nikhua a lo rei deuh a, an sa sahna ah chuan a lamtawi a sawi in A MISA a nihkha an ti liam puat puat a, țawng tualleng ah hmang in tun thleng hian sa chhe deuh lai chu A MISA kan ti ta zel a, chuan kan la ti zel bawk anga, a va'n țha reuh tak em !!
~ Mska Mizo
Post a Comment