Mizo cardinal choir te chuan tunlai hian social media lamah world choir games a silver kan lak chungchangah thu lengvak dik tawk lo hriat tur a awm ta nual mai a, mipuite hriat atan mumal takin hemi chungchang ah hian thu post kan la neilo a ni awm a, social media lama comment hi kan duh loh leh kan tum loh ni mah sela boruak enin hengte hi kan hriat atana pawimawh anih beiseiin post kan rawn siam ani e.
Kan telna Interkultur (choir ah chuan kan fifa ang ani ber mai) hian an term hman tam tak key notes leh program book tel lova hriatthiam mai theih loh tam tak a awm a, keini zaipawl ngei pawh nikum Asia Pacific Choir Games a kan Gold diploma, Gold medal leh Gold trophy kan hawn pawh hi kan haw hnu fe ah kan lak theih dan kalphung hi kan hrethiam ve chauh ani.
Troll leh fiamthu a mi post chhawn te pawh ani anga, heng a hnuai ami te hi kan hriat sual thenkhat te an ni.
1. "World choir games a tel zawng2in medal an la vek"- He thu hi thu diklo hulhual ani a, post thenkhatah diploma a gold, silver leh bronze la te leh medal lo hriatpawlh a, medal nena chhiar kawp kan awm vang nge ni a, "Zaipawl member 298+ tel zingah medal 412 an sem a, hei vang hian a tel apiangin medal an dawng" ti a ngai tam tak an awm a, heihi nilovin kan telna category ang Champion's round(heihi musica mundi tehna atangin gold deploma/open round a gold diploma la te chauh tel theihna) ah chiah medal hi an sem ani.
Diploma(open round chiaha an sem) ah hian gold diploma 67, silver diploma 104 leh bronze diploma 3 vaiin diploma 174 sem ani a, Medal (champion's round chiaha an sem) gold medal 134, silver medal 92 leh bronze 12 a vaiin medal 238 sem ani a, heng diploma leh medal belhkhawm te hi 412 chu an ni ngei mai. Mahse diploma hi medal anilo a, medal diploma anilo ang bawkin.(Comment na lamah picture rawn post tum ani e)
2. "Anih chuan medal hmu pawh an la tam hle mai" ti pawh kan lo la awm hram thei a, hei pawh la nilo leh ta zelin kan telna level ah hian zaipawl tam tak te hian category 2, category 3 a then phei chuan chu aia tam pawh ani ang an tel fur a(program book ami picture rawn post tum ani e), chung ho chu a thiam fal leh experience nei te ho an ni.
Keini zaipawl leh zaipawl thenkhat te erawh kan vawikhat telna tur anih avangin category 1 ah chiah kan tel ta ani. Result leh program book ka en atang hian zaipawl 298+ atang hian medal la hi zaipawl 100 rual thethaw chauh an awm ani. Heng mai nilovin medal la lova haw leh ta hi a tam zawk an ni.
3. "In zaipawl chu 12 telah 12 na in nimaw, medal lak te chu a harsa dawn em ni" ti te pawh an awm a, hei pawh hi a diklo leh ta fo a, kan category Mixed Chamber choir(zaipawl member 30+ telna) ah hian keini zaipawl member 18 te hi 12 tel ah 12-na nilovin zaipawl thiam tak2 an ram represent pha thiau 23 zingah 12 kan ni zawk ani.
Results lo en ve te zingah a final round(ti mai ila (champion's round) result chauh kan en vangin zaipawl dang tam tak Open round a lo tla tawh leh open atanga rawn tel, bronze medal pawh hmu lova awm tam tak an chhiar hmaih ani.
Kan category ah hian open round(an demo endiktuten thiam an tih chin) inelna mi 11 in hmachhawn in chung zinga 4 te chuan gold deploma dawngin champion's round ah hian an rawn inhlangkai chho ve a, heti chung hian zaipawl; kan category bik hi an thiam em em a, keini medal hmu hniam ber pawh silver medal hmuin hnu kan khar a, bronze medal dawng pha an awmloh avangin choir dangte erawh hi chu result sheet ah an hming a lang ve lo chauh ani.
4."pahnihna kan ni an ti si a" hei pawh hi thu inhlanchhawn, dawngsawngtute hriatthiam dan inanglo, loss in translation mai niin a lang, keini zaipawl hi chuan silver medal kan lak bak eng thu mah midang kan hrilh lova, amaherawh chu kan sawi tawh angin Gold medal(80+points hmute), Silver medal(60-80 points hmute) leh bronze medal(40-60 points hmute) te hi kan hriatthiam dan turin division system (school a distinction, 1st class, 2nd class etc) ang ani tih kan hriatchian avangin "silver kan dawng" ti a kan sawi kha a dawngsawngtute lamah chuan "pahnihna kan ni" ti anga alo rik zel avang leh kan media leh kan chhungte hial pawhin an hriatthiam dan alo nih zel avangin pahnihna thangin kan thang ta ani ber a, kei ngei pawh heng thu lengvak avang hian midang reng2 uluk taka ka hrilh hnu pawhin sunde sikul ah leh zel pahnihna min la ti hram a, in correct sen anilo.
He medal system hi a fair nachhan em em chu zaipawl category pakhatah zaipawl 1 lek pawh tel mahse Gold medal a hmu kherlo thei, silver emaw bronze medal emaw, thiam vaklo phei chu medal awmlohna category te pawh a awm thei anih chu.
5. Conclusion - Heng kan rawn post chhan hi "kan medal hmuh hi a ropui" emaw, "min lo ngei lo hram ru" tih lam ani lova, thudik leh thil awmdan mipui te hnenah tlangzarh hi a pawimawh nia kan hriat vang chauha post kan ni.
Heng bakah hian thildang tam tak chhan sen loh a awm ngei ang le, heng thu kan rawn post nachhan chu kan mizo pui te hian troll page leh fiamthu group a kan post tam tak, fiamthu nge thudik tih chhui chiang hmasa lova kan lo awi leh mai zel leh, mahni wall leh private thlenga rawn sawi an awm thin avang ani ber a.
"Vawkpui pawh a vah a vah chuan ek thing a tawng" an tih angin uan thu leh fiamthu pangai tak pawh a kual a kual chuan lo awih mai kan awm thin a, a pawi hle mai.
Hei bakah thil pakhat kan rawn sawi duh chu kan performance kha kan lawm viau na chungin kan best ani lo khawp mai.
Kan zin, kan kal lam hi han sawi rem mailo thil serious tak avangin ni 2 lai mai airport ah ka thiamloh ni miah lovah kan cham in kan tangkhang a, zaipawl member te hi kan chauvin kan thlen tuk atangin kan zai tan nghal a, mumal takin vawi 1 bak kan practice hman lo. Heti chunga Pathianin zaipawl mal a sawm a, silver medal hial kan rawn la thei ta mai hi kan lawmin hawn hun kan nghakhlel hle a, Mizoram leh India tan mel lung kan phun ve a kan hriat avangin lawm taka kan rawn haw lai mekin heng thu diklo pui2 hmuh hian rilru a ti na in hrehawm kan ti hle ani.
Zaipawl duhsak tak2 leh tan tlattu te chungah kan lawm hle a, heng bak thu hriatbelh duh nei apiangin comment na lamah rawn thailang ula, kan lo chhang zel ang(uangthuang leh zawhna kan chhan tawh erawh avoid tum ani e) - Winkle Laltlanchhunga FeldspAr
Post a Comment