Andrew Laltlankima hla tharAndrew Laltlankima hla thar 'Lo hnai ang che' kan nghak chhuak dawn ta

Kolasib tlangval Andrew Laltlankima chuan hla thar 'Lo hnai ang che' tih chu a peihfel ta a, zanin tlai hian YouTube lamah tichhuah a ni ang. Hetih rual hian zanin hian Doordarshan Kendra (DDK) lamah Andrew-a interview hi a chhuak dawn a, a hla thar pawh hi en tur a awm dawn bawk. 





Andrew hian hla ṭha tak tak a lo tichhuak tawh ṭhin a, tun ṭuma mi pawh hi a 'hit' leh viauin a rinawm. 'Lo hnai ang che' tih hla hi Kolasib lam chhuak a ni a, Ramngaihzuala phuah niin, a thluk hi Andrew-a siam hi a ni. Music hi Groove Yard kutchhuak a ni a, music video ṭha tak tak lo siam tawh ṭhin, Siama (SVP) chuan video hi a khawih thung. A hla hi Kings & Prophets-ah recording tih a ni bawk. 

King & Prophets hian recording label an tithar bawk a, Andrew hi contract an ziahpui nghe nghe a ni. Ani bakah hian Avora Records leh Jeff & Empy te pawh an ziaklut tawh bawk. 

Mizo Dance Camp (MDC) chuan Andrew hla thar hi dance concept version-in an lo tichhuak tawh a, YouTube lamah en theihin a awm tawh. - Vanglaini

Post a comment

Powered by Blogger.