Khawzawl District Implementation Demand Committee

Khawzawl District Implementation Demand Committee nimina thukhawm chuan kum 2008-a Mizoram sorkarin Khawzawl District thar Notification siama a puan tawh, function a nih theihna tura vawi tam tak sorkar-a a lo ngen tawh thin, tun thlenga ala hlawhtling lo chu tihlawhtlin sak turin sorkar an phut a, a hlawh tlin hma chuan theih tawp chhuaha hma lak zel an tum tih he meeting thukhawm hian a relin, ruahmanna a siam nghal bawk a ni.





Ruahmanna a siam-ah hian Mizoram sorkarin Khawzawl District chu kum 2018 Mizoram Legislative Assembly General Election lo awm tura Election Model Code of Conduct Rule puan a nih hma ngeiin a tihpuitlin an phut a. Mizoram sorkarin Khawzawl District chu kum 2018 inthlanpui neih hmaa a tipuitling lo a nih chuan Congress party chuan Tuichang Constituency-ah Candidate siam a rem ti lova, party dang chauhin siam se an ti a. Mizoram hmun dangah district thar tihpuitlin a nih a, Khawzawl a telloh chuan Tuichang Constituency-ah Congress party-in candidate siam an remti lo an ti.

Khawzawl District tihpui tlin an duh zia lantir nan tun thla ni 31 hian Khawzawl veng hrang hrangah kawng zawh huaihawt turin ruahmanna an siam bawk a. Khawzawl District tih puitlin a nih lohva, Khawzawl hlam chhiah a, hmun danga District tihpuitlin a nih chuan volunteer ten hma an la dawn tih an sawi bawk a ni. - (PR)

Post a Comment

Powered by Blogger.