Latest newsZoram Peoples’ Movement (ZPM) chuan nimin khan Aizawl Vanapa Hall-ah ‘Zoram Siamthatna Khawmpui’ an hmang.

He huna thusawitu ZPM Chief Ministerial Candidate Lalduhoma chuan, Zoram politics-ah Pathian ram a thleng tur a ni, a ti a. Ram rorelna kawngah Pathianin mihringte chu duhthlan tur chi hnih nunna leh thihna, malsawmna leh anchhia a pe, a ti bawk.

Pu Lalduhoma chuan Mizoram chu tihdam theih loh natna hrang hrangin a chenchilh mek a. Ram rorelna kawngah duhthlanna dik lo thlan a nih vangin ‘tihdam theih loh Aigupta khawihli’-in a chenchilh a ni ang, a ti a. Mizoramin leiba a nei tam lutuk te leh Kawlphetha a siam chhuak tlem lutuk te pawh a dik loh thu Pu Lalduhawma hian a sawi bawk.





ZPM hruaitu Pu Lalhmangaiha Sailo pawhin thu sawiin, sorkar hrawn tawh leh hrawn mek chu an hnathawh that nia an sawi aia an lansarhna zawk chu an mahni hamthatna leh an chhungte hamthatna chauh umtu an nihna hi a ni, a ti a. VUC Chiarman Lalfakzuala pawhin, Mizoram siam tha tur chuan sorkar thar a din ngei ngei a ngai, a ti.

ZPM ‘Zoram Siamthatna Khawmpui-ah hian Secretary General Pu K. Sapdanga, ZPM Southern Hqrs. Chairman Pu Lalrinzuala, Rev. Dr. K.Thanzauva leh Rev.Lalzuithanga te pawhin thu an sawi a ni.

(AIR Corr.)

Post a Comment

Powered by Blogger.