Mizoram People Forum (MPF) Mizoram People Forum (MPF) Annual Meeting chu nimin khan Aizawl Vanapa Hall-ah neih a ni a. Kumin Assembly Inthlan lo awm tura Political Party hrang hrang te nena thawhhona thuthlung an ziahpui tawh dan tarlan a ni.

MPF hian Political Party te pisa tinah thawhhona thuthlung hi hlan vek a nih thu tarlangin, thawhhona thuthlung te a hlawhtlin leh zual theih nan party hrang hrang hruiatute sawipuina neih a nih bakah Party thar ZPM leh PRISM pawhin MPF nen thawhhona thuthlung hi Party President ten hming ziakin an pawmpui tih an sawi bawk a ni. MPF hruaitute chuan MPF Chakma District Forum chu kumin February Ni 6 khan din a nih thu leh CADC inthlanah pawh theihtawpa hmalak niin, an hmalakna a that avangin SEC atang pawhin lawmpuina lehkha dawn a nih thu tarlan a ni bawk.





Meetingah hian MPF Gen Secy Rev. Dr. R. Lalbiakmawia chuan inthlanna zalen, thianghlim leh tha a awm theih nan leh Sorkar inrelbawlna tha a awm ngei theihnan MPF in hma a la mek tih sawiin, thuthlung an siamte a lo hlawhtlin ngei theih nan te, Election Commission Of India in Model Code of Conduct a siamte zawm a nih ngeih theih nan te leh ram neitu Pathian duhzawng anga ram rorelna tha leh dik a awm theih nan hmun hrang hrangah Political Education Seminar MPF chuan an nei mek a ni. Mizoram khaw hrang hrang hmun 38-ah he seminar hi neih a nih tawh thu leh MPF a la tello Kohhran te sawmin tunah hian hmalak mek a nih thu pawh tarlan a ni. Nimin Annual Meeting-ah hian MPF hmalak zel dan tur rel niin, constituency hrang hrang atangin an hmalakna report ngaihthlak a ni bawk. 
- PR

Post a comment

Powered by Blogger.