LUNGLEI MNF CHUAN BELHCHIANMNF Sub Hqrs Lunglei chuan Chief Minister Pu Lal Thanhawla'n Political Session Congress Bhavan-a neiha NLUP chungchanga Opposition Party ten NLUP sawisela, mimal hming hawhin Court-ah hekin, Party dang te pawhin an hek tih a sawi chu Mizo mipuite a tham loh vang tiin Chief Minister chu an zawt tih vawiin khan thuchuah siamin an sawi.

MNF Sub Hqrs Lunglei chuan NLUP chu Sorkar programme a nih thu leh party mal in hamthat nan a an hman tur a nih loh thu an sawi a. Sorkarin awmze nei a a kalpui tur a ni tiin, an kalpui danah dankalh a sem a nih vang te, MLA ten an hman dik tawk loh vangte, MLA ni miah lo MLA Candidate a tlate’n an sem vang te, Chief Minister ngeiin Congress party nilovin an sem ve tur a ni lo, NLUP sem duh chu Congress ah lo lut mai rawh se a tih avang te in Mipui sum party invulhlenna’n a hman mai mai a nih loh nan mipui sumbawm venhim duhtute hmalakna a ni tih Chief Minister hian hre turin MNF Sub Hqrts Lunglei chuan a ngen tih an sawi a ni.




Chief Minister leh Congress hruaitu thenkhatte'n Congress sorkar eirukna-ah a fihlim anga an sawi fo chu thu belhchian dâwl lo anih thu an sawi bawk a. Congress sorkar leh vai contractor liante nen puanhnuai thil an ti nasa hle ni a sawiin, kawng chhiat chhan te pawh eirukna vang liau liau a nih thu an sawi a. National Register Of Citizen chungchang pawh sawi langin NRC avanga Assam-a mi nuai 40 chuang ram leilung fa nihna an hlih sak hnuah dan lo a an ram a an luh mai loh nan, Assam ramri a awm ve State dangte an inpuahchah mup mup laiin Mizoram Home Minister Pu R. Lalzirliana'n Mizoram ramri humhim tur a Vairengte mipuite kutah a dah daih ni awm hrim a, a Vairengte mipuite hnen a ngenna a siam chu a zahthlak an ti tak zet tih an sawi a. 

Thawkkhat laia Bairabi Zophai hmuna Zofate chawlhbuk sak tum MZP kal te Assam Police kut an tuar tum pawh khan Mizoram Sorkar chuan Mahni mi leh sa chhan ngam lovin a lo ngawihbo pui tawh a. Hetiang Sorkar mahni ram leh mahni chipui te venghim ngam lo leh chhan ngam lo hi Mizo mipuite pawhin kumin 2018 inthlanah hian hnawl ngam ve a hun ta tak zet tih MNF Sub Hqrts chuan a tarlang a ni. - AIR Aizawl

Post a Comment

Powered by Blogger.