Mawitei Ralte - Nghilhni I Awm Lo - A Sang Ber

Hontrade International Ṭhazual Fakna Mawitei Ralte a thiam ber

Mawitei Ralte chuan 'Nghilhni I awm lo' tih hla hmangin Hontrade International Ṭhazual Fakna chart-ah No.1 a hauh. Hetih lai hian chart hmasa lama pakhatna Amtea chu pahnihna a ni a, Thawhlehnaniropuia chu pathumna a ni. 

Mawitei hian June thla khan a hla thar hi a tichhuak a, fakna hla thlan hlawh ber a ni mek. A hla hi a ṭha in ngaithlak a man hla hle a ni. Mawitei hi Ṭhazual chart-ah a mikhual tawh lo hle a, top 10-a lang phak hla eng emaw zat a lo nei tawh a ni. 

'Adonai Ropui Ber' tih hla hmanga hun eng emaw chen No.1 lo hauh tawh Amtea chu top 3-ah a langzui zel a, a hla hian ngaithlak a hlawh hle a ni. A hla thu a ṭhat bakah, a dangdaiin a nalh hle a, hei hi a hlawhtlinpui niin a lang. Idol star Puipuia chuan hma sawn zelin top 3-ah a inhlangkai bawk. 

Chart-a dinhmun sng ber pawh lo luah tawh Ruthi CVL Muanpuii chuan 'Chenchilhtu Thlarau Thianghlim' tih hla hmangin top 5 a inhlangkai a, Judith Lalremruati chuan a dawt a ni. 

Top 10-ah hian Miriam Lalnundiki, Govt. Complex KTP Female Voice leh Alabasta te an lang leh a, ani bakah hian Felfeli Ralte leh PC Vanlalhriati (Tenu-i) te an inlar ve leh bawk. 

Hontrade International Ṭhazual Fakna  Top 10

1. Mawitei Ralte - Nghilhni I awm lo

2. Amtea - Adonai Ropui Ber 

3. Thawhlehnaniropuia - Khawngaih Chhandamna 

4. Ruthi CVL Muanpuii - Chenchilhtu Thlarau Thianghlim 

5. Judith - Kan famkimna 

6. Miriam Lalnundiki - Damna kim a ni 

7. Govt. Complex KTP Femalle Voice - Lalpa Tan 

8. Felfeli Ralte - Lalpan a pui ang che

9. Alabasta - Aw pan mai rawh 

10. PC Vanlalhriati (Tenu-i) - Ka hria asin 

- Vanglaini