MIZORAM FILM FORUM HUAIHAWTIN MIZO ROMANTIC COMEDY FILM THAR TLANGZARH

Mizoram Film Forum huaihawtin vawiin chawhma dar 11:30 khan I&PR Auditorium, Treasury Square ah C&R Entertainment buatsaih Romantic Comedy film thar ' TLANGVAL VANNEI' tih chu tlangzarh a ni a.

He tlangzarh inkhawm hi Nl. Nunui Pachuau chuan kaihruaiin lamthiam leh zaithiam ten hunpui karah zai leh lamin kalkhawmte an awi a.

He huna Khuallian, Pi Lallianpuii,MIS, Jt Director and State Nodal Officer for Films Development, Dept of I&PR chuan thusawiin, " Mizo film industry thang zel tur hian Mizoram Sawrkar a a lu ber Chief leh Minister te bakah Official ten ngaihtuahna leh tha sengin filmmite tan thil tam tak min tihsak tawh a. Min tihsak zel turin an inhuam em em a. Filmmite lam zawk hian ngaihsak tlaka kan mawhphurhnate hlenchhuah kawngah tan kan lak sauh sauh a ngai a.

MIZO ROMANTIC COMEDY FILM THAR

Mizoram Sawrkar a kan hotute hnen a Nodal Department leh Mizoram Film Forum hotuten an thlen angin, Mini Theater nei turin hun reiloteah hian hna tan a ni dawn a. Mizoram chhung mai ni lo, khawvel huapa kan inzarpharh vena tur kawng hrang hrang dap mek a ni ", a ti a.

" Mizo film siamchhuah te endik kawngah dan angin Sawrkar chuan hma a la thuai dawn a. Film siamtuten film tha siamchhuah kawngah tan han la sauh sauh rawh, in tan kandingt zel ang", tiin Tlangval Vannei film chu a tlangzarh a.

Thusawitu dang, Khualzahawm Pu Lalawmpuia Khiangte, Mizoram Film Forum President chuan, " Film siamtuten dan zawm kawngah leh inkaihhruaina te zawm thin ila. Kan Society in a pawmpui ngei film tha i siam zel ang u", tiin " Mizoram Film Forum hi Mizo film mite tana thawktu a ni a, Mizo Film Industry hian khawvel hmun hrang hranga cheng zofate tan inpumkhatna, inunauna leh kan tawng, kan zia leh nihphungte humhalh leh humhim a, inzirtirna rawngbawl hna kan thawk a ni tih hria in uluk lehzual zawkin pawmtlak film i siam zel ang u", a ti a.

He hunah hian Sparkle Remmawia Ranglong, Executive Producer in film preview hun hmangin, Johncy Lalramchhuana Ralte, Film Producer leh Director ni bawk chuan lawmthu a sawi thung a ni.

Johncy Lalramchhuana Ralte hi Dept of I&PR  MFF ten training an buatsaih a lo tel tawh niin hetianga film a han siam puitling thei hi Dept of I&PR leh Mizoram Film Forum te chuan an lawmpui in a kal zelna turah duhsakna an hlan thu an sawi. -DIPR

Post a comment

Powered by Blogger.