Latest Mizoram newsAilawng Branch YMA leh Mizoram Public Works Department(PWD) te chuan Community Base Road Maintenance Contract Works atan thawhhona thuthlung an ziak a.

PWD nena thawhhona thuthlung an ziah ang chuan Ailawng Branch YMA te hian an khaw kawng, khawdang te pawn an zawh tawm Kilometre 12 a thui enkawl hna chu kumin September thla atang hian kum khat chhung atan an thawk dawn a ni. Thawhhona thuthlung ziahna Khuangchera Hall -ah neih a ni a, Bialtu MLA Pu Lalrobiaka, ZIDCO Chairman in a kaihruai a ni.

Pu Lalrobiaka chuan kawng enkawlnaah khawtual mite an tel thei tur hi thil lawmawm tak, a kawngzawhtu te tan thleng pawha neitu riltu pe theitu tura hmalakna, ram changkang zawkah pawh hlawhtling taka an kalpui mek a ni a ti a. He hmalakna thar hi sawiseltu ni lova, a hlawhtlin nan theihtawp chhuahtu nih tum tlan a ngai zawk a ni a ti. Kawng chu hmasawnna bulthut leh a intanna nih avangin a pawimawh a, a humhalh hnathawh pawh hi hna pawimawh bik; mi tinte thawhhona tur a ni tih a sawi .

He inremna ang chuan Ailawng Branch YMA te hian Tlawng Lei atanga Ailawng khaw hmawr, Reiek khua te nena an inrina lai, Lunghmul Lui inkar kawngpui, KM 12 a thui hi, kumkhat atan, a enkawl na atan KM 1 a thui zelah cheng sing 4 zel dawngin an vil dawn a. Ailawng Branch YMA hnathawh tur kawngpui thawm that hian, kawngkhuar hnawh rual, tuihawk luankawr thenfai, kawngsir tawn tawna hnawmhnawk thenfai leh kawngpui dung humhalh te thlengin a huam dawn a ni. - AIR News Aizawl

Post a comment

Powered by Blogger.