Mizoram Medical CollegeVawiin khan MNF Party mi ten Falkawn-a Medical College MIMER an tlawh a, MNF Vice President Pu R Tlanghmingthanga chuan Congress party chu inpuh chhiat hrim hrim thiamna lamah an champion chiang hle a ni a ti a. An dawt sawi tunah hian a langchhuak leh vek tawh a ti.

Pu R.Tlanghmingthanga chuan MNF din Falkawn Refferal Hospital ar vulh nan baka hman tlak loh anga Congress in an sawi thin chu, tunah hian a ruhrel awm sa zawng zawng chhawmin MIMERS din a ni a ti a, Central Sorkar atanga an sum dawn leh hman chu Cheng vbc 40 a ni a. He sum hmang hian Hospital Building, Administrative Building, Laboratory Building, OPD Building, Choka, Insukna hmun bakah Staff quarter 224, Type I,II,III,IV & V te chu an sa vek hman tih sawiin, Referral Hospital atana hmanraw hman tur te, electric pek leh tui semna te pawh siam zawh vek anih thu a sawi a. Heng Building sak zawng zawng hi PWD Quality control-in an vil veka Cheng khat pawh Re-vised lovin a tira ruahman anga sa zo vekin, a satute pawh Mizo vek niin Hnam dang hnenah Contract chengkhat man pawh kan pe ve lo tih a sawi a ni.

Pu R.Tlanghmingthanga chuan Congress Sorkar in Referral Hospital atan Building pakhat pawh an sak an hriat loh thu leh, an lo sa ve mial a nih chuan khawi hi nge Congress-in an sak ve Mizo mipuite hrilh tura an phut thu a sawi a, Medical College atana hmalakna chu MNF bul tan a nih vang nge Congress hian a bawhzui tha duh lo hle tih a sawi bawk a. Kum 2008 atanga Sorkar si in Medical Council of India in Medical College atana recognise turin kum 2014-ah DPR an thehlut thei hram niin a sawi a. Vawi thum an DPR siam hnawl a nih hnuah a vawi 4-na atana kum 2015, July 05-a an thehluh chu an pawm ta hram a ni, a ti.

MNF Vice President chuan Congress sorkar-in Aizawl Civil Hospital a enkawl dan pawh a lungchhiatthlak hle tih a sawi a. Cheng vbc 54 MNF in a dah sa zinga sum hmahruai vbc 10 vel chu dik lo takin an hmang nghal a, hei vang hian Civil Hospital, Aizawl tih changtlunna tura an ruahman sa, Motor 200 parking na tur te, Doctor leh thawktu dang quarters block 100 zet sakna turte chu an ti thuanawp vek niin a sawi bawk. - Press Statement

Post a comment

Powered by Blogger.