MDM-in zaithiam mi 16 hnehah royalty semchhuak leh ta
Music Domain Mizoram (MDM) chuan an library aṭanga music video hmangtuten an hman man an pek khawm aṭangin June thla atan zaithiam mi 16 hnenah royalty an pe chhuak leh ta.
Royalty dawngtute hi MDM hnuaia inziak lut te an ni a, June thla bika royalty dawngtute hi mimal vek an ni. Royalty dawngtute hi mipa lamah chuan - Amtea, Zorinsanga Sailo, Sawmtea Chhangte, Puipuia, Mawitea, Chama Thangluah, Tza Ralte, KR Robert leh Tommy L. Pachuau te an ni. Hmeichhe lamah hian - Bektei Sailo, Machhani, Sangkimi Khiangte, Miriam, Josephine Lalawmpuii, Kawnpui nula Aziri leh 'Ṭhian rinawm' tih hla satu Hlimhlimi te an ni.
MDM hian zaithiamten an music video aṭanga hamṭhatna an hmuh theih nan kum 2013 aṭang khan ruahmanna mumal tak siamin hma an la ṭan a, tun thlengin zaithiam te hnenah thla tin royalty an sem chhuak ṭhin a ni. Hei bakah hian MDM YouTube channel aṭanga an sum hmuhte pawh zaithiamte hnenah hian an sem chhuak ṭhin bawk. -Vanglaini
Post a Comment