Lallawmzuali Tassel Model HuntMiss Mizoram 2018, 1st Runner Up C. Lallawmzuali chu August 17-a Mumbai khawpuia neih tur Tassel Model Hunt-ah a tel dawn. 

Tassel Model Hunt-a tel tur thlanna hi Andheri West, Mumbai-ah neih niin, Lawmi hian audition round li awm chu a paltlang hnuah final a lut a ni. Audition-ah hian nula 'kei kan ni' inti chin ṭhiau 79 an tel a, Lawmi hi top 5-ah a lang phak a ni. Finalist te hian August 11-16  chhung hian Mumbai-ah grooming and training an nei ang. 

ITI veng nula Lawmzuali telna Tassel Model Hunt hi celebrity stylist, Josie Paris chuan a kaihhruai a, Lawmi hi top 5 hial a inhlangkai ta a ni. Josie Paris hian Northeast ṭhalai te tana modelling platform ṭha tak tur Mountain Modelling Agency din turin hma a la mek bawk.





August 17 khian Tassel Fashion and Lifestyle Awards 2018 chu sem a ni dawn a, he hunah hian Tassel Model Hunt hi a awm dawn a ni. Audition paltlang te hian intihsiak an hmachhawn dawn a, Best Model thlan a ni ang. Finalist te hian designer hrang hrang te kutchhuak an inbel dawn a ni. 

He event hi International Institute of Fashion Design (INIFD) leh India rama chanchinbu lar Hindustan Times ṭangkawpin an buatsaih a ni. -Vanglaini

Post a comment

Powered by Blogger.